Gûco 24:14 - ÎVUKU RÎA ÛVORO MWARO

¹⁴ “Ndûkaverithie mûndû mûthîni na ngîa ûrîa wandîkîte, arî wa andû enyu Aisiraeli kana arî mûgeni kuuma îtûûrarî rîmwe rîa vûrûri wenyu.

Gûco 24:14 ပူးပေါင်းရင်းမြစ်များ

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Luka 10:7

Îkaragani mûciîrî ûcio mûkîrîcaga na mûkînyunyaga kîndû wa kîonthe kîrîa andû akuo makamûnengagîra, nîûndû mûthûkûmi nîwagîrîrwe kûvewa mûcara wake. Mûtikaûrûrage kuuma mûciîrî ûmwe nginya ûrîa wîngî.

Gûco 15:7

“Kûngîthîrwa kûrî mûndû wenyu mûthîni îtûûrarî wanarî rîmwe vûrûrirî ûrîa Ngai-Mûnene Ngai wenyu akûmûva, mûtikathunie njara na mûrege kûmûtethia.

1Tim 5:18

Nîûndû mandîko matheru maugîte atîrî, “Ndûkove ndegwa kanyua rîrîa îraruta wîra mûgûndarî,” na “Mûruti wîra nwanginya arîvagwe mûcara wake.”