Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gûco 23:5 - ÎVUKU RÎA ÛVORO MWARO

5 Nwatî Ngai-Mûnene Ngai wenyu ndaathikîrîria Balaamu. Vandû va ûguo kîrumi kîu gîacokire gûtuîka kîrathimo kûrî mue; nîûndû Ngai-Mûnene Ngai wenyu nîamwendete.

အခန်းကိုကြည့်ပါ။ ကော်ပီ




Gûco 23:5
23 ပူးပေါင်းရင်းမြစ်များ  

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”


Gîtûmi Kîam ûndû ûcio nî atî matianava andû a Isiraeli irio kana manjî vîndî îrîa maaumaga Misiri. Vandû va ûguo, Aamoni na Amoabu maavere Balaamu mbeca nîguo arume Aisiraeli kîrumi. Nwatî Ngai wetû nîwagarûrire kîrumi kîu gîgîtuîka kîrathimo.


Nama Ngai nî mwaro kûrî andû arîa athingu, nî mwaro kûrî arîa marî ngoro ntheru.


Kîrumi gîtagîrîrîte gîtinyitaga mûndû, gîkariî ta nthûngûrûrû îrîa îgûrûkaga îtakûgwa vandû.


nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.


“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.


Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”


Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,


Nwatî mûraika nîwacokerie Balaamu atîrî, “Thiî na andû aya, nwatî ûkaaragia tu maûndû marîa ngaakwîraga.” Kwoguo Balaamu nîwathiîre vamwe na andû acio.


Kwoguo Balaki mûvîcî wa Zipori, na nîke warî mûthamaki wa Moabu vîndî îo, nîwatûmire anjaama magete Balaamu mûvîcî wa Beori. Balaamu aarî Pethori vakuvî na rûnjî rwa Farati vûrûrirî wa Amawi. Balaki nîwerire Balaamu atîrî, “Kûrî na rûrîrî rumîte Misiri na rûrî kûndû kuonthe gûkû nthî, na nîmarenda gwoca vûrûri wakwa.


Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”


Ayahudi nîmaregete Ûvoro Mwaro. Kwoguo o nî nthû cia Ngai nîûndû wenyu mue andû a Ndûrîrî. Nwatî nîûndû Ayahudi nîathuure nî Ngai nî arata ake nîûndû wa methe mao ma tene.


Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?


Wata ûrîa kwandîkîtwe Mandîkorî Matheru atîrî, “Nînendire Jakovu na ngîthûra Esaû.”


Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.


tûthiî tûringe rûnjî rwa Jorodani na tûkinye vûrûrirî ûrîa Ngai-Mûnene, Ngai wetû atûvete. Njiarwa cia Esaû, arîa matûûraga Edomu na andû a Moabu, arîa matûûraga Ari, nîmaatwîtîkîririe tûvîtûkîrîre vûrûrirî wao.’


Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.


Ngai-Mûnene nîwendete methe menyu; kwoguo nîwamûthuurire kuuma kûrî njiarwa ciao na akîmûruta Misiri na vinya wake mûnene.


Nwatî ndingîetîkîrie Balaamu amûruma kîrumi, îthenya rîa ûguo Balaamu nîkwa aamûrathimire. Kwoguo nînaamûvonokirie kuuma kûrî Balaki.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ