Gûco 23:24 - ÎVUKU RÎA ÛVORO MWARO

²⁴ “Ûngîvîtûkîrîra mûgûndarî wa mîthavibu wa mûndû, nwa ûrîe thavibu wa irîa ûngîvota kûrîa, nwatî ndûgekîre imwe kîondorî ûthiî nacio.

Gûco 23:24 ပူးပေါင်းရင်းမြစ်များ

Thaburi 50:14

Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

Thaburi 66:13

Nîngaaûka gûkûrutîra matega ma kûvîvua nyombarî yaku; nîngaavingia ûrîa naakwîrîre na mîvîtwa.

Nthi 20:25

Mbere ya kwîranîra kîrîa ûkûrutîra Ngai-Mûnene ambaga gwîciiria waro, nîguo vuvarî ndûgacoke kwîricûkwa.

Alawi 27:2

“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

1Akor 10:26

Nîûndû nîkwandîkîtwe mandîkorî matheru atîrî, “Nthî na indo cionthe irîa irî kuo nî cia Mwathani.”

Gûco 23:23

Nwatî mûndû angîranîra ûndû na mwîvîtwa, nwanginya aûvingie na kinyi, nîûndû ethagîrwa eranîrîte ûndû ûcio mbere ya Ngai-Mûnene Ngai wake atakûringîrîrua.

Gûco 23:25

Ûngîvîtûkîrîra mûgûndarî wa ngano wa mûndû, nwa ûtue wa irîa ûngîvota kûrikitha na njara, nwatî ndûgateme ngano na kaviû ka gûketha.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Josh 9:18

Nwatî andû a Isiraeli matiaûraga andû a Gibeoni nîûndû wa kîrîkanîro kîrîa atongoria ao maathondekete nao makîgwetaga rîîtwa rîa Ngai-Mûnene, Ngai wa Isiraeli. Andû onthe a Isiraeli nîmaanegenirie atongoria ao nîûndû wa ûndû ûcio.