Gûco 23:23 - ÎVUKU RÎA ÛVORO MWARO

²³ Nwatî mûndû angîranîra ûndû na mwîvîtwa, nwanginya aûvingie na kinyi, nîûndû ethagîrwa eranîrîte ûndû ûcio mbere ya Ngai-Mûnene Ngai wake atakûringîrîrua.

Gûco 23:23 ပူးပေါင်းရင်းမြစ်များ

Thaburi 116:18

Nîngaavingia mîvîtwa yakwa kûrî Ngai-Mûnene, nîmîvingie andû ake onthe makîonaga,

Thaburi 50:14

Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

Nthi 20:25

Mbere ya kwîranîra kîrîa ûkûrutîra Ngai-Mûnene ambaga gwîciiria waro, nîguo vuvarî ndûgacoke kwîricûkwa.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Alawi 27:2

“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.

Ndari 30:2

“Rîrîa mûndû evîta mbere ya Ngai-Mûnene, kana eranîra na mwîvîtwa atî nîakûvingia ûndû, nwanginya avingie ûrîa eranîrîte atî nîageka.

Mathaayo 5:33

“Wana rîngî nîmwîguîte atî andû a tene meerîtwe atîrî, ‘Ndûkanevîte na rîîtwa rîa Mwathani atî nîûgwîka ûndû, na ûrege kûwîka.’

Ciîko 23:12

Rîrîa gwakeere, Ayahudi nîmaathondekire mûvango wa ûrîa makûûraga Paûlo. Nîmaacokire makîîvîta atî matingîrîa kana manyue kîndû matambîte kûûraga Paûlo.

Ciîko 23:21

Nwatî ndûgetîkîre nîûndû nîkûrî na andû makîria ya mîrongo îna makwîthitha na mamweterere. O nîmarîkîtie kwîvîta atî matingîrîa kana manyue kîndû matambîte kûûraga Paûlo. Nîmevarîrîtie gwîka ûguo na nîkwa metererete îtua rîaku.”

Gûco 23:22

Mûndû angîrega kwîvîta ndangîthîrwa evîtie.

Gûco 23:24

“Ûngîvîtûkîrîra mûgûndarî wa mîthavibu wa mûndû, nwa ûrîe thavibu wa irîa ûngîvota kûrîa, nwatî ndûgekîre imwe kîondorî ûthiî nacio.

Josh 9:18

Nwatî andû a Isiraeli matiaûraga andû a Gibeoni nîûndû wa kîrîkanîro kîrîa atongoria ao maathondekete nao makîgwetaga rîîtwa rîa Ngai-Mûnene, Ngai wa Isiraeli. Andû onthe a Isiraeli nîmaanegenirie atongoria ao nîûndû wa ûndû ûcio.

Atir 11:35

Rîrîa Jefitha aamwonire, nîwatembûrangire nguo ciake nîûndû wa kîeva na akiuga atîrî, “Ûûi, mwarîwa! Nîwambûraga ngoro! Nîwatûma nyitwa nî mathîna meengî mûno. Nînerîrîre Ngai-Mûnene na mwîvîtwa na ndingîvota kûregana naguo!”

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.