Gûco 23:15 - ÎVUKU RÎA ÛVORO MWARO

¹⁵ “Ngombo îngîtoroka kuuma kûrî mwathi wayo na yûke kûu Isiraeli îkîenda mûmîgitîre, mûtikamîcokie kûrî mwathi wayo.

Gûco 23:15 ပူးပေါင်းရင်းမြစ်များ

Thaburi 78:65

Mwathani nîwacokire akîramûka takwa aaumîte tororî, ta mûndûmûrûme njamba acanjamûrîtwe nî ndivei.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Alawi 26:12

Ngethagîrwa nîrî namue na ngethîrwa nîrî Ngai wenyu, namue mwîthagîrwe mûrî andû akwa.

Obadia 1:14

Mûtiagîrîrwe nî kûrûngama makathîkanorî ma njîra, na kûnyita andû ao arîa maûraga; mûtiagîrîrwe nî kûnenganîra andû arîa mataûragwa kûrî nthû ciao, mûthenya ûcio warî wa kîeva.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Ndari 5:3

Îngatani arûme na aka onthe arîa marî na gîko maume kûrîa mûtûûraga nîguo matikagwatie kûndû kûu gîko nîûndû kûu nîkuo ndûûranagia na andû akwa.”

Gûco 23:16

Nîagekara kûu kwenyu îtûûrarî wa rîrîa rîonthe îngîthuura; mûtikamûvinyîrîrie.

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”