Gûco 21:22 - ÎVUKU RÎA ÛVORO MWARO

²² “Ethîrwa mûndû ekîte wîvia ûngîtûma aûragwe, acoke aûragwe, na acuurue mûtîrî îgûrû,

Gûco 21:22 ပူးပေါင်းရင်းမြစ်များ

Kîam 40:19

Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”

2Sam 21:10

Rizipa mwarî wa Aia, ûrîa warî mûndûmûka wa Saûlo wa kwigwa nîwacokire agîtuma kanyomba ka nguo cia macakaya îgûrû rîa îthiga varîa ciimba icio ciarî. Nîwekarire vo kuuma rîrîa maketha maambîrîîrie nginya rîrîa mbura ya mûratho yaringire. Rizipa ndeetîkagîria iconi cia rîerarî ivutie ciimba icio îvinda rîa mûthenya, wana kana ivutue nî nyamû cia kîthaka îvinda rîa ûtukû.

2Sam 21:6

Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

2Sam 21:9

Daudi nîwamanenganîre kûrî andû a Gibeoni, nao makîmacuria vandû kîrîmarî îgûrû mbere ya Ngai-Mûnene. Andû acio onthe mûgwanja nîmaakwire vîndî îmwe. Maaûragirwe vîndî ya maketha rîrîa cairi yambagîrîria gûkethwa.

2Sam 4:12

Daudi nîwarutire watho, na athigari ake nîmaaûragire Rekabu na Baana na magîtinia njara ciao vamwe na magûrû na makîmacuria vandû vakuvî na karia kûu Heburoni. Nwatî nîmoocire kîongo Kîam Ishiboshethu na magîkîthika mbîrîrarî ya Abineri kûu Heburoni.

Ndari 25:4

Kwoguo Ngai-Mûnene nîwerire Musa atîrî, “Ûngania atongoria onthe a andû a Isiraeli na ûmaûrage mûthenya andû onthe makîonaga, nîguo marakara makwa îgûrû rîao mathire.”

Mathaayo 26:66

Nîmuga atîa îgûrû rîake?” Nao nîmaacokirie atîrî, “Ke nîmûvîtiu na nwanginya aûragwe.”

Maariko 14:64

Mue nîmweîguîra akîruma Ngai! Nîmuga atîa îgûrû rîake.?” Nao andû onthe nîmaamûtuîrîre aûragwe.

Luka 23:33

Rîrîa maakinyire vandû vetagwa, “Îvîndî rîa Kîongo,” nîmaambire Jesû vo wa vamwe na ageri ngero acio aîrî, ûmwe mwena wake wa ûrîo, na ûcio wîngî mwena wake wa ûmotho.

Ciîko 23:29

Nînîramenyire atî Ayahudi marathitanga Paûlo nîûndû nîaregete tûmaûndû tûmwe twa watho wao. Nwatî gûtirî ûndû wana ûmwe ekîte ûngîtûma atuîrîrwe kûûragwa kana kwovwa njeera.

Ciîko 25:11

Ethîrwa nîmunîte watho na ngeka ûndû ûngîtûma nduîrwe kûûragwa, nie ndirauga ndigatuîrwe kûûragwa. Nwatî ethîrwa maûndû mau nthitangîtwe nîûndû wamo matirî na ûma, gûtirî mûndû ûrî na kîvooto gîa kûnenganîra kûrî o. Nie nînacokia ciira riiko kûrî mûthamaki wa Roma.”

Ciîko 25:25

Nwatî monire atî ke tîmwîku wa naarî ûndû ûngîtûma atuîrwe kûûragwa. Na nîûndû ke mwene nîacokirie ciira riiko acirithue nî mûthamaki wa Roma, nînthondekire îtua avirwe kûrî ke.

Ciîko 26:31

Rîrîa maarîkirie kuuma kûu nyombarî ya gûcemanîrua nîmeeranire atîrî, “Mûndû ûyû tî mwîku ûndû wana ûmwe ûngîtûma ovwe kana atuîrwe kûûragwa.”

Gûco 19:6

Îtûûra rîu rîa kwîthitha rîngîthîrwa rîrî rîmwe, nwa rîthîrwe rîrî kûraca mûno; na mûndû ûrîa ûkûrîvîrîria mûndû ûrîa ûragîtwe nwa akinyîrîre mûndû ûrîa ûraganîte na akamûraga atarî arakinya îtûûrarî rîu rîa kwîthitha, wana ethîrwa mûndû ûcio ndagîrîrwe nî kûragwa nîûndû aûraganîte atakwenda na matiarî na ûthû mbererî.

Gûco 22:26

Mwîrîtu ûcio ndagekwe wanarî ûndû. Gûtirî wîvia ekîte wa gûtûma aûragwe. Ûyû nîta ciira wa mûndû atharîkîrîte mûndû ûrîa wîngî akînamûraga,

Josh 10:26

Joshua nîwaûragire athamaki acio na nîwamacuririe mîtîrî îtano, wa mûthamaki mûtîrî wake. Nayo mîîrî yao nîyekarire mîtîrî îo nginya kîvwaî Kîam mûthenya ûcio.

Josh 10:27

Kîvwaî kîu riûa rîthiîte kûthûa, Joshua nîwathanire mîîrî yao îcurûrue na ikue ngurungarî îrîa meethithîte. Nîmaacokire makîvingiritia mathiga manene na makîvinga mûromo wa ngurunga îo, na nwa vo marî nginya ûmûnthî.

Josh 8:29

Nîwacokire agîcuria mûthamaki wa Ai mûtî îgûrû na mûthamaki agîkara vo nginya kîvwaî. Na riûa rîkîthûa Joshua nîwathanire mwîrî wa mûthamaki ûcurûrue kuuma mûtî îgûrû. Naguo nîwaikirue kîvingorî gîa îtûûra. Nîmaacokire magîûkunîkîra na mathiga mengî mûno. Mathiga mau marî vo nginya ûmûnthî.

1Sam 26:16

Ûguo wîkîte tî waro. Nîrevîta na Ngai-Mûnene ûrîa ûtûûraga mwoyo atî, we wagîrîrwe nî kûragwa, nîûndû ndûnagitîra mûnene wenyu ûrîa Ngai-Mûnene aathuurire atuîke mûthamaki. Taroriani wone îtumû rîa mûthamaki rîrî kû? Naguo mûcuva wa manjî ûrîa ûrarî vakuvî na kîongo gîake ûrî kû?”