Gûco 21:15 - ÎVUKU RÎA ÛVORO MWARO

¹⁵ “Mûndûmûrûme nwa ethîrwe arî na aka aîrî, na ethîrwe endete ûmwe makîria ya ûrîa wîngî. Aka acio wa oîrî nwa mamûciarîre tûvîcî, nwatî kaana ka îrikithathi kethîrwe nî ka mûndûmûka ûrîa amenete.

Gûco 21:15 ပူးပေါင်းရင်းမြစ်များ

Kîam 29:18

Jakovu nîwendeete Rakeli; kwoguo nîwaugire atîrî, “Nîngûrutîra wîra mîaka mûgwanja nîguo ûmbîtîkîrie mvikie mwarîguo Rakeli.”

Kîam 29:20

Jakovu nîwarutire wîra mîaka mûgwanja nîguo anengerwe Rakeli. Kûrî ke, mîaka îo mûgwanja yonekaga ta mîthenya mînini, nîûndû wa ûrîa eendete Rakeli.

Kîam 29:33

Lea nîwagîre îvu rîngî na agîciara kavîcî. Nîwaugire atîrî, “Nîûndû Ngai-Mûnene nîwîguîte atî nie nîrî mûmene, ke nîamvete kaana kengî ga kavîcî.” Kwoguo nîwagatuîrîre rîîtwa Simeoni.

2Maû 11:22

Rehoboamu nîwathuurire Abija, mûvîcî ûrîa maagîte na mûka Maaka atuîke mûtongoria wa aa mûrwang'ina acio engî. Aamûthuurire nîûndû nîwavangîte kûmûtua mûthamaki.

Gûco 21:16

Rîrîa mûndûmûrûme ûcio akaagaîra ciana ciake indo, ndakoonania kîmenyano na njîra ya kûva mwana wa mûndûmûka ûrîa endete îgai rîa îrikithathi rîrîa rîciarîtwe nî mûndûmûka ûrîa amenete.

1Sam 1:2

Elikana aarî na aka aîrî; ûmwe wao eetagwa Hana, nake ûcio wîngî eetagwa Penina. Penina aarî na ciana, nwatî Hana ndaarî na ciana.