Gûco 20:16 - ÎVUKU RÎA ÛVORO MWARO

¹⁶ “Nwatî rîrîa mûkeegwatîra matûûra marîa marî vûrûrirî ûrîa Ngai-Mûnene Ngai wenyu akûmûva ûrî îgai rîenyu, mûkaaûraga kîndû wa kîonthe kîrî mwoyo kuo.

Gûco 20:16 ပူးပေါင်းရင်းမြစ်များ

Ndari 21:35

Kwoguo andû a Isiraeli nîmaaûragire Ogu, avîcî ake, na andû ake onthe. Gûtirî mûndû wanarî ûmwe watigarire arî mwoyo. Nîmaacokire magîoca vûrûri wake ûgîtuîka wao.

Ndari 31:17

Kwoguo ûragani twana tuonthe twa tûvîcî na aka onthe arîa maanamenyana kîîmwîrî na mûndûmûrûme.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 20:15

Ûguo nîguo mûgeeka matûûra monthe marîa marî kûraca na vûrûri ûrîa mûkûthiî gûtûûra.

Gûco 20:17

Nîmûkaaûraga andû onthe viû. Nao nî: Ahiti, Amori, Akanaani, Aperizi, Ahivi na Ajebusi wata ûrîa Ngai-Mûnene Ngai wenyu athanîte.

Gûco 24:4

mûndûmûrûme ûrîa wamûvikîtie mbere ndangîmwoca rîngî atuîke mûka arî na mûgiro. Ûndû ûcio nî mûcûku mbere ya Ngai-Mûnene. Mûtigatûme vûrûri ûrîa Ngai-Mûnene Ngai wenyu akûmûva ûnyitwa nî wîvia.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 4:21

Ngai-Mûnene nîwarakarire nînie nîûndû wenyu na akîîvîta akiuga atî, ndikaaringa rûnjî rwa Jorodani na ndigaatonya vûrûri ûcio mwaro Ngai-Mûnene, Ngai wenyu amûveete ûtuîke îgai rîenyu.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Josh 10:20

Joshua marî na andû a Isiraeli nîmaaûragire andû eengî mûno a Amori. Nwatî amwe nîmaavotire kûûra na magîtonya kûndû kûrîa kwarî kwirigîre kûu matûûrarî mao.

Josh 10:28

Joshua nîwatharîkîre îtûûra rîa Makeda na nîwarînyitire mûthenya ûcio. Nîwaûragire mûthamaki na andû onthe arîa maarî îtûûrarî rîu na gûtirî mûndû wana ûmwe watigirwe arî mwoyo. Eekire mûthamaki wa Makeda wata ûrîa eekire mûthamaki wa Jeriko.

Josh 10:40

Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 11:14

Andû a Isiraeli nîmaaûragire andû onthe arîa maarî matûûrarî mau na gûtirî mûndû wana ûmwe watigarire arî mwoyo. Nwatî nîmeigîre indo cia vata na nyamû cia kûrîthua irîa maatavîte.

Josh 6:24

Nîmaacokire makîvîvia îtûûra wana indo cionthe irîa ciarî kuo. Nwatî matiavîvia indo irîa ciarûthîtwe na sîlûva, thaavu, gîcango na cuuma. Indo icio ciaigirwe kîgînarî Kîam Ngai-Mûnene.

Josh 8:25

Andû onthe a Ai arîa maaûragirwe mûthenya ûcio arûme na aka maarî andû ngiri îkûmi na igîrî (12,000).

Josh 8:8

Mwarîkia kûnyita îtûûra rîu, nîmûkaarîmundia mwaki wata ûrîa Ngai-Mûnene amwathîte. Ûguo nîguo namwatha”

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.

Josh 9:27

Nwatî mûthenya ûcio Joshua nîwatuire andû a Gibeoni ngombo na nîmaatuîkire a kunagîra andû a Isiraeli ngû na kûmatavîra manjî na gûtavîra metha ya kîgongoona ya Ngai-Mûnene manjî. Nginya ûmûnthî ûcio nîguo wîra ûrîa matûûraga marutagîra vandû varîa vamûre va kûgoocera Ngai.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”