Gûco 2:4 - ÎVUKU RÎA ÛVORO MWARO

⁴ na wîre andû atî, mûrî vakuvî kûvîtûkîrîra vûrûrirî ûrîa ûrî irîma wa Edomu, vûrûri wa andû enyu na nîo njiarwa cia Esaû. Andû acio nîmakaamwîtigîra.

Gûco 2:4 ပူးပေါင်းရင်းမြစ်များ

Kîam 25:23

Nake Ngai-Mûnene nîwamwîrire atîrî, “Ndaarî yaku kûrî na ndûrîrî igîrî, we nîûgaaciara andû a mîvîrîga îîrî. Nao nî magaatûûra marûaga, ûmwe nîûgakîria ûrîa wîngî vinya. Ûrîa mûkûrû nîagaatungatîra ûrîa mûnini.”

Kîam 36:8

Kwoguo Esaû (na nwake Edomu) nîwathiîre gûtûûra vûrûri ûrîa ûrî irîma wa Seiru.

Ntha 15:15

Atongoria a Edomu nî amaku; nao andû arîa marî vinya a Moabu nîmarainaina nîûndû wa guoya; andû a Kanaani nîmathirîtwe nî ûmîrîru.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Gûco 2:3

‘Mûrî ekaru îvinda rîganu mûkîûrûraga vûrûrirî ûrîa ûrî irîma wa Edomu; kwoguo thiîni mwena wa rûgûrû,

Gûco 23:7

“Mûtigatume ûthû na andû a vûrûri wa Edomu nîûndû acio nî aa mûrwanyûkwe. Mûtigatume ûthû na andû a Misiri, nîûndû vîndî îmwe mwarî ageni vûrûrirî wao.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.