Gûco 2:36 - ÎVUKU RÎA ÛVORO MWARO

³⁶ Kuuma Aroeri, îtûûra rîrîa rîrî rûtere rwa rûnjî rwa Arinoni, na kuuma îtûûra rîrîa rîrî Kîamndarî, nginya Gileadi, gûtirî îtûûra rîarî na nthingo îngîatûremire. Ngai-Mûnene, Ngai wetû nîwatûvotithirie kwîgwatîra matûûra monthe.

Gûco 2:36 ပူးပေါင်းရင်းမြစ်များ

2Sam 24:5

Nîmaaringire Rûnjî rwa Jorodani na makîamba magema mao mwena wa îveti wa Aroeri, îtûûra rîrîa rîarî gatagatî ga Kîamnda kîrîa Kîamrî vûrûrirî wa Gadi. Mauma kûu, nîmaathiîre mwena wa rûgûrû na magîkinya Jazeri.

2Atha 10:33

kuuma mwena wa îrathîro wa Rûnjî rwa Jorodani, vûrûri wonthe wa Gileadi, vûrûri wa andû a Gadi, Reubeni, Manase, na kuuma Aroeri îrîa îrî Kîamndarî Kîam Arinoni kûu vûrûrirî wa Gileadi na Bashani.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Isaia 17:2

Matûûra ma Sîria nîmatûûra marî mathame tene na tene. Ng'ondu na ng'ombe nîcio igekaraga kuo, ikaamamaga kuo na gûtirî mûndû ûkaaimakia.

Jeremia 48:19

Mue arîa mûtûûraga Aroeri, rûngamani mûkîra wa njîra mwîrorerie! Ûriani arîa mavinyûrîte maûrîte atîrî: ‘Nîkwa gwekara atîa?’

Ndari 32:34

Mûvîrîga wa Gadi nîwatumire matûûra ma: Diboni, Atarothi, Aroeri,

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 3:12

“Rîrîa twenyitîre vûrûri ûcio, nînavere andû a mûvîrîga wa Reubeni na wa Gadi vûrûri ûrîa ûrî mwena wa rûgûrû wa Aroeri vakuvî na rûnjî rwa Arinoni, nuthu ya vûrûri ûrîa ûrî irîma wa Gileadi, wa vamwe na matûûra maguo.

Gûco 4:48

Vûrûri ûcio wambîrîrîtie îtûûra rîa Aroeri rûtere rwa Rûnjî rwa Arinoni, nginya kîrîmarî gîa Sirioni

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 12:2

Ûmwe wa athaki acio aarî Sihoni mûthamaki wa Amori na atûûraga îtûûrarî rîa Heshiboni na aathanaga arî îtûûrarî înene rîa Aroeri. Vûrûri ûrîa aathanaga wagwatîte nuthu îmwe ya vûrûri wa Gileadi kuuma Aroeri rûtere rwa Kîamnda Kîam Arinoni na îtûûra rîrîa rîrî gatagatî ga Kîamnda kîu, nginya rûnjîrî rwa Jaboku mwena wa rûgûrû mûvakarî wa Aamoni.

Josh 13:16

Naguo vûrûri ûcio warî kuuma Aroeri rûtere rwa Kîamnda Kîam Arinoni na îtûûra rîrîa rîrî gatagatî ga Kîamnda kîu wa vamwe na Medeba kûndû kwarî kwaraganu.

Josh 13:9

Naguo waumîte îtûûrarî rîa Aroeri rûtere rwa Kîamnda Kîam Arinoni, vamwe na îtûûra rîrîa rîarî gatagatî ga Kîamnda kîu, na vûrûri ûrîa wonthe mwaraganu kuuma îtûûrarî rîa Medeba nginya Diboni.

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Atir 11:22

Nîmegwatîre vûrûri wonthe wa Aamori kuuma Arinoni nginya Jaboku na kuuma werûrî nginya Jorodani.

Atir 11:26

Aisiraeli matwîre Heshiboni, Aroeri na icagirî irîa imathiûrûrûkîrîtie vamwe na matûûra monthe marîa marî rûtere rwa rûnjî rwa Arinoni îvinda rîa mîaka magana mathatû (300). Waregire kûmengata kuo îvinda rîu rîonthe nîkî?