Gûco 2:25 - ÎVUKU RÎA ÛVORO MWARO

²⁵ Kuuma ûmûnthî nîngûtûma andû onthe mamwîtigîre. Andû a nthî yonthe makegucaga mwagwetwa makainaina nî guoya.’

Gûco 2:25 ပူးပေါင်းရင်းမြစ်များ

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

1Maû 14:17

Nayo ngumo ya Daudi nîyatambire vûrûrirî wonthe na Ngai-Mûnene agîtûma andû onthe mamwîtigîre.

Thaburi 105:38

Andû a Misiri nîmaakenire rîrîa andû a Isiraeli maathiîre, nîûndû nîmaametigagîra.

Ntha 23:27

“Nîngaatûma andû arîa makaareganaga namue megue guoya nîûndû wakwa. Nao andû arîa mûkethagîrwa mûkîrûa nao nîngaatûma magîe na kîvîngîcî na ndûme mamûvuvatîre maûre nîmue.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Ndari 22:3

Balaki na Amoabu onthe nîmaanyitirwe nî guoya mûno nîûndû wa andû a Isiraeli. Nîmaametigîre mûno nîûndû maarî eengî.

Gûco 11:25

Vûrûrirî wa wonthe kûrîa mûkaathiî, Ngai-Mûnene Ngai wenyu nîagaatûma andû a kuo megue guoya na mamwîtigîre wata ûrîa eeranîrîte na gûtirî mûndû ûkaamûvoota.

Gûco 28:10

Nao andû onthe a nthî nîmakoona atî mûrî athuure nî Ngai-Mûnene mûgatuîka andû ake kîûmbe, na nîmakaamwîtigagîra.

Josh 10:2

Andû a Jerusalemu nîmaamakire mûno nîûndû Gibeoni rîarî îtûûra rînene wata matûûra marîa mengî maarî na athamaki. Gibeoni rîarî îtûûra rînene gûkîra Ai na andû a kuo maarî njamba.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.