Gûco 2:14 - ÎVUKU RÎA ÛVORO MWARO

¹⁴ Kuuma twauma Kadeshi-barinea nginya rîrîa twaringire karûnjî ka Zeredi, twathirîtie mîaka mîrongo îthatû na înana (38). Kavinda kau, rûciaro rwa andû arîa maarî na ûkûrû wa kûthiî mbaararî nîrwathirîte wata ûrîa Ngai-Mûnene eevîtîte.

Gûco 2:14 ပူးပေါင်းရင်းမြစ်များ

Thaburi 106:26

Kwoguo Ngai-Mûnene nîwevîtire na ma, akiuga atî nîagaatûma makuîre werûrî.

Thaburi 90:15

Tûma twîthîrwe tûrî na gîkeno mîaka mîîngî wata îrîa twîthîrîtwe tûrî na kîeva.

Thaburi 90:3

Wîraga andû atîrî, “Cokani mûtheturî!” Nake mûndû nîacokaga mûtheturî kûrîa aaumire.

Thaburi 90:9

Ûtûûro wetû nîûthiragua nî marakara maku, ûthiraga ta mîvevû.

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ndari 1:1

Mûthenya wa mbere wa mweri wa kaîrî mwaka wa kaîrî kuuma andû a Isiraeli mauma Misiri, Ngai arî îgemarî rîa Ngai-Mûnene kûu werûrî wa Sinai nîwarîrie Musa akîmwîra atîrî,

Ndari 13:26

Nîmaathiîre kûrî Musa, Aroni, na andû onthe a Isiraeli kûu Kadeshi werûrî wa Parani, na makîmeera ûrîa moonire, na makîmoonia matunda ma vûrûri ûcio.

Ndari 32:11

‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’

1Akor 10:5

Nwatî wana vuva wa ûguo eengî gatagatîrî kao matiakenia Ngai na kwoguo nîmaakuîrîre werûrî.

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 1:2

Mûndû aumîte kîrîmarî gîa Sinai athiîte Kadeshi-barinea avîtûkîrîrîte vûrûrirî ûrîa ûrî irîma wa Edomu, aathiîcaga rûgendo rwa mîthenya îkûmi na ûmwe (11).

Gûco 1:46

Kwoguo nîtwekarire Kadeshi-barinea îvinda îraca.

Gûco 2:13

“Nîtwacokire tûkîringa rûnjî rwa Zeredi, wata ûrîa Ngai-Mûnene aatwîrire.

Gûco 2:16

“Rîrîa arûme onthe a mbaara maakwire,

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Josh 24:7

Nanie nînekîrire nduma gatagatî ka andû a Misiri na a Isiraeli. Nînatûmire îria rîkunîkîre andû a Misiri na nîmaaûrîre manjîrî. Mue nîmwicî ûrîa nekire andû a Misiri. “ ‘Mue nîmwatûûrire werûrî kavinda karaca.

Josh 5:4

Andû a Isiraeli maaruithirue nîûndû arûme onthe arîa maaumire Misiri na maarî akûrû a kûrûa mbaara, nîmaakuîrîre werûrî mauma Misiri.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.