Gûco 19:5 - ÎVUKU RÎA ÛVORO MWARO

⁵ Kwa ngerekano, andû aîrî mangîthiî mûtitûrî gûtema mîtî na vîndî wa îo ûmwe wao aratema mûtî îthanwa rîake rîrûke na rîûrage ûcio wîngî, mûndû ûcio ûraganîte nwa aûrîre îtûûrarî rîmwe rîa mau na ethîrwe arî mûgitîre.

Gûco 19:5 ပူးပေါင်းရင်းမြစ်များ

2Atha 6:4

Kwoguo nîwathiîre nao. Rîrîa maakinyire Jorodani, nîmaambîrîrie gûtema mîtî.

Nthi 27:12

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîguo.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Ndari 35:25

Andû nîmagaatethûra mûndû ûcio ûraganîte atakwenda kuuma kûrî mûndû ûrîa wîtanîtue na mûndû ûcio ûragîtwe. Andû nîmagaacokia mûndû ûcio ûraganîte atakwenda îtûûrarî rîa kwîthitha, kûrîa aarî mbere. Mûndû ûcio ageekara îtûûrarî rîu nginya rîrîa Mûthînjîri-Ngai mûnene ûrîa wathuurîtwe na njîra ya kûvakwa maguta mamûre agaakua.

Gûco 19:4

Ethîrwa mûndû wa wonthe nwa aûrage mûndû ûtarî nthû yake atakwenda, nwa aûrîre îtûûrarî rîmwe rîa mau na ethîrwe arî mûgitîre.

Gûco 19:6

Îtûûra rîu rîa kwîthitha rîngîthîrwa rîrî rîmwe, nwa rîthîrwe rîrî kûraca mûno; na mûndû ûrîa ûkûrîvîrîria mûndû ûrîa ûragîtwe nwa akinyîrîre mûndû ûrîa ûraganîte na akamûraga atarî arakinya îtûûrarî rîu rîa kwîthitha, wana ethîrwa mûndû ûcio ndagîrîrwe nî kûragwa nîûndû aûraganîte atakwenda na matiarî na ûthû mbererî.