Gûco 19:15 - ÎVUKU RÎA ÛVORO MWARO

¹⁵ “Ûira wa mûndû ûmwe tî mwîganu wa gûtûma mûndû atuîrwe atî nî munu watho. Ûira wa andû aîrî kûthiî na mbere nîguo ûngîtîkua nîguo mûndû atuîrwe atî nî mwîku ûndû mûcûku.

Gûco 19:15 ပူးပေါင်းရင်းမြစ်များ

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

Ndari 35:30

“Mûndû wa wonthe ûkaaûraga mûndû wîngî nîagaatuîrwa kûragwa ethîrwa aira aîrî kûthiî na mbere nîmakaaruta ûira wa kwonania atî nîaûraganîte. Ûira wa mûndû ûmwe tî mwîganu nîguo mûndû atuîrwe atî nîaûraganîte.

Mathaayo 18:16

Nwatî angîrega gûkûthikîrîria, thiî kûrîke mûrî na mûndû ûmwe kana aîrî, nîguo ûndû wa wonthe mûkaaria wîkîrwe vinya nî ûira wa andû aîrî kana athatû.

Johana 7:51

“Kûringana na Watho wetû tûtingîvota gûtuîra mûndû ciira, tûtambîte kwîgua ûrîa akuga na kûmenya ûrîa ke ekîte.”

Johana 8:17

Nîkwandîkîtwe Wathorî wenyu atî ûira wa andû aîrî ûngîgucana, ûira ûcio nî wa ma.

2Akor 13:1

Rîrî nîrîo rita rîakwa rîa kathatû gûka gûcera kwenyu. “Ûndû wa wonthe ûkûthitangwa nwanginya wonanue nî ûira wa andû aîrî kana makîria,” ta ûrîa mandîko matheru maugîte.

Gûco 17:6

Nwatî nwanginya kwîthîrwe kûrî na ûira wa andû aîrî kana athatû nîguo mûndû ûcio atuîrîrwe kûragwa. Mûndû ndangîûragwa nîûndû wa ûira wa mûndû ûmwe.

1Tim 5:19

Ndûgetîkîre mûthuuri wa kanitha athitangwe, tiga nwa vethîrîtwe varî aira aîrî kana athatû.

Ahib 10:28

Mûndû wa wonthe ûregaga kwathîkîra watho nîaûragagwa atakwîguîrwa ntha angiumbûrwa nî aira aîrî kana athatû.