Gûco 18:18 - ÎVUKU RÎA ÛVORO MWARO

¹⁸ Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

Gûco 18:18 ပူးပေါင်းရင်းမြစ်များ

Thaburi 110:4

Ngai-Mûnene nîweranîre na mwîvîtwa na ndakeericûkwa; “We ûrî mûthînjîri-Ngai tene na tene, ta mûthînjîri-Ngai Melikizedeki.”

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Ntha 4:15

Aria nake na ûmwîre ûrîa akauga. Nîngaamûtethia muorî kwaria na nîngaamwîra ûrîa mûgeeka.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Hosea 12:14

Andû a Efiraimu nîmatûmîte Ngai akanwa nî marakara, magîrîrwe nî kûragwa nîûndû nîmavîtîtie, Ngai-Mûnene nîakamaverithia nîûndû wa maûndû macûku marîa mekîte.

Amosi 2:11

Nînathuurire andû amwe a njiarwa cienyu matuîke arathi, na anake amwe enyu matuîke Anazari. Kinthî ûcio tî ûvoro wa ma mue andû a Isiraeli? Ûguo nîguo Ngai-Mûnene arauga.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Ndari 12:13

Kwoguo Musa nîwarîrîre Ngai-Mûnene akîmwîra atîrî, “Ûûi, Ngai, nakûthaitha ûmûvonie!”

Ndari 23:16

Ngai-Mûnene nîwaumîrîre Balaamu na akîmwîra ûrîa akûthiî kwîra Balaki, na akîmwatha acoke kûrî Balaki akamûve ndûmîrîri îo.

Ndari 23:5

Ngai-Mûnene nîwerire Balaamu ûrîa akûthiî kwîra Balaki na akîmwatha acoke kûrî Balaki akamûve ndûmîrîri îo.

Luka 24:19

Nake Jesû nîwamaûririe atîrî, “Nî maûndû marîkû?” Nao nîmaamûcokerie atîrî, “Maûndû megiî Jesû wa Nazarethi. Methorî ma Ngai na ma andû onthe mûndû ûcio ararî mûrathi ûrarî na ûvoti mûnene maûndûrî marîa araugaga na arekaga.

Johana 1:21

Nao nîmaamûririe atîrî, “We wî û vi? We wî Elija?” Nake Johana nîwamacokerie atîrî, “Naarî, nie tînie ke.” Nao nîmaamûririe atîrî, “We nîwe Mûrathi?” Nake Johana nîwamacokerie atîrî, “Naarî.”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Johana 17:18

Wa ta ûrîa wandûmire gûkû nthî, wa nanie nîguo namatûma.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 4:25

Nake mûndûmûka ûcio nîwerire Jesû atîrî, “Nie nîmbîcî atî Mesaya nîagaaûka, na vîndî îrîa agaaûka agaatwîra maûndû monthe.”

Johana 8:28

Kwoguo nîwamerire atîrî, “Vîndî îrîa mûgaaûkîrîria Mûrû wa Mûndû îgûrû, nîmûkaamenya atî ‘Nînie Nie’ na atî gûtirî ûndû wana ûmwe mbîkaga nîyathîte, nwatî mbugaga tu wa ûrîa Vava ambathîte mbuge.

Ciîko 3:22

Nîûndû wana Musa nîwaugire atîrî, ‘Mwathani Ngai wenyu nîakaamûtûmîra mûrathi wata ûrîa ke aandûmire. Mûrathi ûcio akeethîrwa arî ûmwe wa andû enyu. Na mue nwanginya mûkaamwathîkîra maûndûrî monthe marîa ke akaamwîra.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.

Gûco 33:5

Ngai-Mûnene nîke watuîkire mûthamaki wa andû ake a Isiraeli, vîndî îrîa mîvîrîga na atongoria a andû a Isiraeli maagomanîte vamwe.

Gûco 34:10

Kuuma vîndî îo, gûtirî kwagîa mûrathi wîngî ta Musa vûrûrirî wa Isiraeli, mûndû maaranagîria na Ngai-Mûnene metho kwa metho.

Gûco 5:5

Nie nînarûngamire gatagatî ka Ngai-Mûnene namue nîguo nîmûmenyithie ûrîa aaugaga nîûndû nîmwetigagîra mwaki na mûtingîavotire kûthiî kîrîmarî îgûrû. “Ngai-Mûnene nîwaugire atî,

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

Ahib 7:22

Ûndû ûyû nîguo ûtûmaga Jesû atuîke mûrûngamîrîri wa kîrîkanîro Kîamro makîria kuuma kûrî Ngai.