Gûco 18:14 - ÎVUKU RÎA ÛVORO MWARO

¹⁴ “Andû a mavûrûri mau mûkeengata na mwîgwatîre vûrûri wao, nîmathîkagîra andû arîa maringagia mbûgû, na aragûri, nwatî Ngai-Mûnene Ngai wenyu ndamwîtîkîrîtie gwîka ûguo.

Gûco 18:14 ပူးပေါင်းရင်းမြစ်များ

Kîam 20:6

Nake Ngai-Mûnene nîwacokerie Abimeleki na njîra ya kîroto akîmwîra atîrî, “Îî, Nîmbicî atî wekire ûndû ûcio na thamiri îtarî na ûcuke, na nînie nagiririe ûmvîtîria na ngîgiria ûkuvîvîria Sara.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Jeremia 27:9

Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.

Danieli 2:27

Nake Danieli nîwacokerie mûthamaki atîrî, “Mûthamaki, gûtirî mûrogi, mûringi ciama, oni kana aûgî a njata mangîkwîra maûndû mau mûthamaki aûria.

Mika 5:12

Nîngaathiria aragûri onthe arîa mwîthagîrwa nao na nîmûtige mûtarî na mûndû wa kûmwonera maûndû.

Ciîko 14:16

Vingo ya tene Ngai nîwetîkagîria andû onthe meke wa ûrîa meendaga.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,