Gûco 18:13 - ÎVUKU RÎA ÛVORO MWARO

¹³ Îthagîrwani mûrî evokeku kûrî Ngai-Mûnene Ngai wenyu vîndî cionthe.

Gûco 18:13 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

1Atha 8:61

Mue andû ake mûrotuîka evokeku kûrî Ngai-Mûnene, Ngai wetû vîndî cionthe, mûkîathîkagîra mawatho make na kûrûmîrîra irîra cia watho wake wata ûrîa mwîkaga nginya rîu.”

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 1:8

Nake Ngai-Mûnene nîwamûririe atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mûthingu take. Nîanîtigîrîte na nîethemaga maûndû macûku.”

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

Afil 3:15

Tuonthe arîa agima kîîroho twagîrîrwe nî kwîthîrwa tûrî na meciria ta mau. Nwatî kûngîthîrwa gatagatîrî kenyu kûrî na andû marî na meciria ngûrani, Ngai akamûguûrîria ûndû ûcio wanaguo.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

Kûguû 3:2

Kwoguo ûkîrani na mwîkîre maûndû marîa matigarîte vinya mbere ya makua viû. Nie nîmonete atî ciîko cienyu tînginyanîru methorî ma Ngai wakwa.