Gûco 17:20 - ÎVUKU RÎA ÛVORO MWARO

²⁰ Eka ûguo, ndakeyona arî mûnene gûkîra andû acio engî a Isiraeli, na gûtirî vîndî akaarega kwathîkîra maathani ma Ngai nîguo mûthamaki ûcio na njiarwa ciake makaathana îvinda îraca kûu Isiraeli.

Gûco 17:20 ပူးပေါင်းရင်းမြစ်များ

2Sam 22:23

Nîmbathîkîrîte mawatho make, na ndirî natiganîria kîrîra gîake.

1Atha 11:34

Nwatî ndigaacuuna Solomoni ûthamaki wonthe, na nîngûtûma atûûre arî mûthamaki ûtûûrorî wake wonthe. Ngeeka ûguo nîûndû wa gîtîîo Kîam ndungata yakwa Daudi, ûrîa naathuurire na akîathîkîra mawatho makwa na irîra irîa naamwathire.

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 15:3

Nîwekire mevia monthe ta marîa meekagwa nî îthe, na ndaarûmîrîra Ngai-Mûnene, Ngai wake na ngoro yonthe ta ûrîa îthe Daudi, îthe eekaga.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

2Atha 10:30

Nake Ngai-Mûnene nîwerire Jehu atîrî, “Nîwîkîte njiarwa cia Ahabu maûndû monthe marîa nendaga wîke, kwoguo nînakwîrîra atî, njiarwa ciaku nginya rûciaro rwa kana nî mageekarîra gîtî Kîam ûthamaki kûu Isiraeli.”

2Atha 14:10

Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Maû 25:19

Rîu we Amazia, ûreîra na ngoro na ûgetîîa atî nîwavootire andû a Edomu, nwatî îkara wa kûu mûciî. Ûracaria thîna nîkî na îgatûma we na andû a Juda mwona thîna?”

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Thaburi 119:102

Ndirî mûtiganîriu matuîro maku ma ciira, nîûndû we mwene nîwe ûnthomithîtie.

Thaburi 132:12

Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Nthi 10:27

Wathîkîra Ngai-Mûnene nîûgûtûûra îvinda îraca, nwatî mûndû mwaganu akucaga atakinyîtie.

Nthi 27:24

nîûndû ûtonga ndûtûûraga tene na tene, wana ûthamaki ndûtûûraga tene na tene.

Mûvunjia 8:13

Nwatî gûtikethîrwa kûrî kwaro kwa andû arîa aganu. Ûtûûro wao ûkaathira ta kîruru, na magaakua matarî akûrû, nîûndû matiîtigîrîte Ngai.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 17:11

Amûkagîrani îtua rîao na mûrûmagîrîre kîrîra Kîamo kîonthe.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

1Sam 10:25

Vîndî îo Samueli nîwataarîrie andû ûvoro wîgiî mawîra ma mûthamaki na agîcoka akîandîka mawîra mau îvukuurî, na akîriiga vandû varîa vatheru. Ke nîwacokire akîîra andû onthe menûke mîciî kwao.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”