Gûco 17:2 - ÎVUKU RÎA ÛVORO MWARO

² “Kûngîonekana mûndû gatagatîrî kenyu arî îtûûrarî rîmwe rîa marîa Ngai-Mûnene Ngai wenyu akûmûva, wîkîte ûndû mûcûku na akarega kwathîkîra maathani make,

Gûco 17:2 ပူးပေါင်းရင်းမြစ်များ

2Atha 18:12

Îtûûra rîa Samaria rîagwîre nîûndû Aisiraeli matiathîkîra mûgambo wa Ngai-Mûnene, Ngai wao, nwatî nîmaaunire kîrîkanîro gîake, wana matiathikîrîria kana mathîkîra maûndû monthe marîa Musa, ndungata ya Ngai-Mûnene amaathire.

2Atha 21:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe Hezekia aacûkangîtie; nîwatumire metha cia magongoona cia Baali na akîrûtha mûvuanano wa ngai ya nga ya Ashera, ta ûrîa Ahabu mûthamaki wa Isiraeli eekîte. Makîria ya ûguo, Manase nwa wagoocaga ciûmbe cionthe cia îgûrû na agaitungatîra.

Ayubu 31:28

ûcio wanaguo nî wîvia wa gûtuîrwa kûragwa, nîûndû nîngîthîrwa ndarî mwîvokeku kûrî Ngai ûrîa ûrî îgûrû.

Ntha 22:19

“Mûndû wa wonthe angîka maûndû ma ûûra nthoni na nyamû nwanginya akaaûragwa.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 34:18

Nao andû arîa maunire kîrîkanîro gîakwa na makîrega kûrûmîrîra mawatho ma kîrîkanîro kîrîa marûthire mbere yakwa, ngamarûtha ta njaû îrîa maatûranirie maita maîrî na makîvîtûkîrîra gatagatî ga icunjî icio.

Ezek 16:38

Nîngaagûtuîra ciira ta ûrîa aka arîa macûkagia moviki mao matucagîrwa na arîa maûraganîte. Nîngaagûtuîra ciira wa kûragwa nîrî na marakara na nîrî na wîru.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Gûco 17:5

mûndû ûcio nîakaarutwa nja ya îtûûra na aûragwe na mathiga.

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Gûco 29:25

Nao nîmagaacokerua, ‘aarakarire ûguo nîûndû andû ake nîmaareganire na kîrîkanîro kîrîa Ngai-Mûnene Ngai wa methe mao aarûthire nao rîrîa aamarutire vûrûrirî wa Misiri.

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Ahib 10:28

Mûndû wa wonthe ûregaga kwathîkîra watho nîaûragagwa atakwîguîrwa ntha angiumbûrwa nî aira aîrî kana athatû.

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Josh 7:11

Aisiraeli nîmevîtie! Nîmaregete kwathîkîra kîrîkanîro gîakwa kîrîa namaathire mavingie. Nîmocete indo imwe cia irîa nameerire macûkangie magaciîa, makaveenania na magîciiga vamwe na indo ciao.

Josh 7:15

Na mûndû ûrîa nake ûgaatuîka nîke wîvîtie, nîakaavîvua na mwaki vamwe na andû ake onthe, wana indo ciake cionthe. Akaavîvua nîûndû ke nîaunîte kîrîkanîro Kîam Ngai-Mûnene na nîatûmîte Isiraeli magîa na gîconoko kînene.”

Atir 2:20

Kwoguo Ngai-Mûnene nîwarakarirue nî Aisiraeli na akiuga atîrî, “Nîûndû andû a rûciaro rûrû nîmaregete kûvingia kîrîkanîro kîrîa naathondekire na methe mao ma tene na nîmareganîte nanie

Atir 6:31

Nwatî Joashi nîwerire andû acio onthe maaragia nake atîrî, “Nîkwa mûrarîrîria Baali? Nîmûkûmûgitîra? Mûndû wa wonthe ûkûmwarîrîria nwanginya aûragwe mbere ya gûkîe. Ethîrwa Baali nî ngai, tiga eyarîrîrie ke mwene nîûndû nî metha yake ya kîgongoona yomomoretwe.”