Gûco 17:18 - ÎVUKU RÎA ÛVORO MWARO

¹⁸ Rîrîa agaatuîka mûthamaki, nwanginya akaagîa na îvuku rîa watho wa Ngai rîandîkîtwe kuuma îvukuurî rîa mbere rîa watho rîrîa rîkaraga na athînjîri-Ngai Alawi.

Gûco 17:18 ပူးပေါင်းရင်းမြစ်များ

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

2Atha 22:8

Hilikia, mûthînjîri-Ngai mûnene nîwerire Shafani ûrîa warî mwandîki atîrî, “Nîmonire îvuku rîa watho hekarûrî ya Ngai-Mûnene.” Hilikia nîwacokire akînengera Shafani îvuku rîu, nake akîrîthoma.

2Maû 34:15

Hilikia nîwerire Shafani, mwandîki atîrî, “Nînona îvuku rîa Watho hekarûrî.” Nake Hilikia nîwanengere Shafani îvuku rîu.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.