Gûco 17:17 - ÎVUKU RÎA ÛVORO MWARO

¹⁷ Mûthamaki ndagîrîrwe nî kwîthîrwa na aka eengî, nîûndû nwa matûme atiganîria Ngai-Mûnene, na ndagîrîrwe nî gwîtongia mûno na sîlûva na thaavu.

Gûco 17:17 ပူးပေါင်းရင်းမြစ်များ

Kîam 2:24

Kwoguo mûndûmûrûme agaatigaga îthe na ng'ina, akanyitana na mûka na oîrî magatuîka ûmwe.

2Sam 12:11

Nînevîta nauga atî nîngaatûma mûndû wa kuuma mûciî waku akûretere thîna. Ûndû ûcio nîûkawona rîrîa ngaagûcuna aka aku na nîmavecane kûrî mûndû wîngî, nake nîakaamenyana nao kîîmwîrî mûthenya riûa rîarîte.

2Sam 5:13

Daudi arîkia kuuma Heburoni, nîwathiîre Jerusalemu na akîvikia aka eengî. Nîwacokire akiga aka engî na nîwagîre anake na erîtu eengî.

1Atha 10:21

Ikombe cionthe irîa Solomoni aanyunyaga nacio ciarûthîtwe na thaavu; nacio indo cia nyomba nene ya Mûtitû wa Lebanoni ciarûthîtwe na thaavu ntheri. Gûtirî kîndû Kîamrûthîtwe na sîlûva, nîûndû sîlûva ndîonagwa îrî na vata vîndî ya wathani wa Solomoni.

1Atha 10:27

Vîndî ya ûthamaki wa Solomoni, sîlûva ciengîvîte ta mathiga, nayo mîtarakwe yengîvîte ta mîkûyû îrîa îrî Shefela.

1Maû 14:3

Daudi arî Jerusalemu nîwavikirie aka eengî na agîciara avîcî eengî na erîtu eengî.

2Maû 1:15

Mûthamaki Solomoni nîwatûmire sîlûva na thaavu ciîngîva Jerusalemu ta mathiga, nayo mîtî ya mîtarakwe yengîvîte ta mîkûyû îrîa îrî Shefela.

2Maû 11:21

Rehoboamu nîwendeete mûka Maaka mwarî wa Abusalomu mûno gûkîra aka ake acio engî vamwe na arîa aaigîte. Aka onthe a Rehoboamu maarî îkûmi na anana (18) na aka mîrongo îtandatû (60) a kwiga. Aarî na anake mîrongo îîrî na anana (28) na erîtu mîrongo îtandatû (60).

Nehemia 13:26

Nînaugire atîrî, “Aka ageni nîo maatûmire mûthamaki Solomoni evia. Gatagatî ka ndûrîrî irîa ciîngî gûtirî mûthamaki wekariî take. Nîwendetwe nî Ngai wake na Ngai nîwamûtuire mûthamaki wa Isiraeli kuonthe. Kûnarî ûguo aka acio ageni nîmaatûmire evia.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 31:3

Ndûkathirie vinya waku na aka, ndûkavecane ûtonga waku kûrî andû acio macûkangagia athamaki.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 19:5

na akiuga atî, ‘Nîûndû wa gîtûmi gîkî mûndûmûrûme agaatigaga îthe na ng'ina, makanyitithanua na mûka, na oîrî makethagîrwa marî mwîrî ûmwe.’

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.