Gûco 17:14 - ÎVUKU RÎA ÛVORO MWARO

¹⁴ “Mwarîkia kwîgwatîra vûrûri ûrîa Ngai-Mûnene Ngai wenyu akûmûva na mûtûûre kuo, na mwîcirie kûgîa na mûthamaki ta mavûrûri marîa mamûthiûrûrûkîrîtie;

Gûco 17:14 ပူးပေါင်းရင်းမြစ်များ

Alawi 14:34

“Rîrîa mûgaakinya vûrûrirî wa Kanaani ûrîa ngaamûva mwîgwatîre, na mûndû one atî nie nîndûmîte nyomba yake înyitwe nî Milideu,

Ndari 33:53

Mûkegwatîra vûrûri ûcio mûtûûre kuo, nîûndû nînîmûvete guo ûtuîke wenyu.

Gûco 11:31

Rîu mûrî vakuvî kûringa rûnjî rwa Jorodani mûthiîte kwîgwatîra vûrûri ûrîa Ngai-Mûnene Ngai wenyu akûmûva. Mwegwatîra vûrûri ûcio na mûtûûre kuo,

Gûco 18:9

“Rîrîa mûgaatonya vûrûrirî ûrîa Ngai-Mûnene Ngai wenyu akûmûva, mûtikarûmîrîre mîtugo mîcûku ya andû arîa matûûraga kuo.

Gûco 26:1

“Mwarîkia gûkinya vûrûrirî ûrîa Ngai-Mûnene, Ngai wenyu akûmûva rîrî îgai rîenyu, na mûtûûre kuo,

Gûco 26:9

Ngai-Mûnene nîwatûretire vûrûrirî ûyû wîcûrîte îriia na ûûkî.

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Josh 1:13

“Ririkanani ûrîa Musa ndungata ya Ngai-Mûnene aamwîrire. Ke aamwîrire atîrî, Ngai-Mûnene, Ngai wenyu nîakaamûva vandû va kûvurûka na nîguo vûrûri ûyû amûveete.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

1Sam 10:19

Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 10:25

Vîndî îo Samueli nîwataarîrie andû ûvoro wîgiî mawîra ma mûthamaki na agîcoka akîandîka mawîra mau îvukuurî, na akîriiga vandû varîa vatheru. Ke nîwacokire akîîra andû onthe menûke mîciî kwao.

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 16:3

Na wîte Jesse kîgongoonarî kîu na nîngaakwîra ûrîa wagîrîrwe nî gwîka. Ûgetîrîria mûndû ûrîa ngaakwonia maguta nîguo atuîke mûthamaki.”

1Sam 8:11

Ke nîwamataarîrie na akîmera atîrî, “Mûthamaki ûcio nîagecukia anake enyu na athiî nao; amwe ao nîakaamatua ndereva cia ikaari ciake cia mbaara, nao engî amatue a kûthiîcaga matûîte mbarathi ciake, nao makathiîcaga mavinyûrîte matongoreretie ikaari ciake cia mbaara.