Gûco 17:12 - ÎVUKU RÎA ÛVORO MWARO

¹² Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 17:12 ပူးပေါင်းရင်းမြစ်များ

Ezira 10:8

Ndûmîrîri îo yatûmanirwe nî atongoria a andû a Isiraeli. Na mûndû wa wonthe ûngîaregire kûthiî kavindarî kau ka mîthenya îthatû, nîwarutagwa gîkundirî Kîam andû arîa engî na agacoka agacunwa indo cionthe irîa arî nacio.

Thaburi 19:13

Mvonokia wana kuuma kûrî mevia marîa mbîkaga ngîmenyaga, ndûgatûme mevia mau mandongorie. Ngaacoka gûtuîka mûndû mwagîrîru, na ndikethîrwa nîrî na mavîtia ma wîvia mûnene.

Nthi 21:11

Rîrîa mûndû wa îtherû averithua, kîrimû nîkîûvîgaga, rîrîa mûndû mûûgî athomithua, nîagîcaga na ûmenyo.

Hosea 4:4

Ngai-Mûnene arauga atîrî, “Mûndû wana ûrîkû ndagatetie andû kana amacirithie. Nîûndû nînie ndetagia athînjîri-Ngai.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 15:31

Mûndû ûcio akaathengutagua kûrî andû arîa engî viû nîûndû wa kûruma Ngai-Mûnene na kuna rîathani rîake, na akaaverithagua nîûndû wa mevia make.”

Mathaayo 10:14

Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Johana 20:23

Wona mwovera andû mevia mao nîmakooverwa. Wona mwarega kûmovera, matikooverwa.”

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

Gûco 1:43

Nînaamwîrire ûrîa Ngai-Mûnene aaugîte, nwatî mûkîrega kwîgua. Nîmwareganire nake na mûkîthiî vûrûri ûcio ûrî irîma nîûndû wa mwîtîîo wenyu.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 17:13

Kwoguo andû onthe nîmakegua ûndû ûcio na metigîre, na gûtirî mûndû ûgeeka ûndû rîngî atambîte gwîciiria.

Gûco 17:7

Aira nîo makethagîrwa marî a mbere gwikia mûndû ûcio mathiga, nao andû acio engî onthe marûmîrîre. Ûguo nîguo mûkaathiria ûndû ûcio mûcûku gatagatîrî kenyu.

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

Gûco 18:7

na nwa atungatîre Ngai-Mûnene Ngai wake ta mûthînjîri-Ngai, wata Alawi arîa engî matungata kuo.

1Ath 4:2

Nîûndû nîmwîcî maûndû marîa twamûtaarire mwîkage twathîtwe nî Mwathani Jesû.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”

Atir 20:13

Tûretereni andû acio aganu marî Gibea nîguo tûmaûrage, na tûthirie ûcûku ûcio gûkû Isiraeli.” Nwatî andû a Benjamini matiathikîrîria ûrîa andû acio engî a Isiraeli maaugaga.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.