Gûco 16:20 - ÎVUKU RÎA ÛVORO MWARO

²⁰ Mavinda monthe rûmagîrîrani kîvooto. Namue nîmûkegwatîra vûrûri ûrîa Ngai-Mûnene Ngai wenyu akûmûva na mûthiî na mbere gûtûûra kuo.

Gûco 16:20 ပူးပေါင်းရင်းမြစ်များ

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Ezek 18:5

“Ethîrwa mûndû nî mûthingu na nîarûmagîrîra watho na ageka ûrîa kwagîrîrîte,

Ezek 18:9

Ethîrwa mûndû ta ûcio nî avingagia irîra cia watho wakwa, na nîamenyagîrîra matuîro makwa ma ciira na nîekaga maûndû ma kîvooto, na ma mûndû ûcio nî mûthingu na nîagaatûûra mwoyo. Ûguo nîguo Ngai-Mûnene augîte.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Aroma 10:5

Musa nîwandîkire ûvoro wîgiî ûrîa mûndû atuîkaga mûthingu na njîra ya kwathîkîra watho na akiuga atîrî: “Mûndû wa wonthe wathîkagîra watho nî agaatûûra mwoyo.”

Gûco 16:21

“Watumîra Ngai-Mûnene Ngai wenyu metha ya kîgongoona, ndûkaarûthe mûvuanano wa ngai ya Ashera mwenarî wayo.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.