Gûco 16:1 - ÎVUKU RÎA ÛVORO MWARO

¹ “Kûngûagîrani mweri wa Abibu na njîra ya kîrugo Kîam pasaka. Na njîra îno, Ngai-Mûnene Ngai wenyu akaavecagwa gîtîîo. Mweri ûcio nîguo Ngai-Mûnene Ngai wenyu aamûrutire vûrûri wa Misiri ûtukû.

Gûco 16:1 ပူးပေါင်းရင်းမြစ်များ

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:4

Ûmûnthî mweri wa mbere ûrîa wîtagwa Abibu nîguo mûrauma Misiri.

Ntha 23:14

“Kûngûagîrani irugo ithatû wa mwaka nîguo mûmvecage gîtîîo.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Alawi 23:5

“Pasaka ya Ngai-Mûnene yambagîrîria gûkûngûîrwa kîvwaî Kîam mûthenya wa îkûmi na îna mweri wa mbere.

Ndari 28:16

“Kûngûagîrani Pasaka ya Ngai-Mûnene mûthenya wa îkûmi na îna wa mweri wa mbere.

Luka 2:41

Wa mwaka wa mwaka, aciari a Jesû nîmaathiîcaga Jerusalemu kîrugorî Kîam pasaka.

Johana 2:13

Vîndî ya kîrugo Kîam pasaka ya Ayahudi yarî vakuvî. Kwoguo Jesû nîwaunûkirie nginya Jerusalemu.

Johana 5:1

Vuva wa ûguo, Jesû nîwathiîre Jerusalemu kîrugorî Kîam Ayahudi.

Johana 6:4

Na vîndî ya kîrugo Kîam pasaka yarî vakuvî.

Gûco 16:2

Mûkaarutagîra Ngai-Mûnene Ngai wenyu îgongoona rîa pasaka kuuma ndîthiarî yenyu ya mbûri na ng'ombe mûrî varîa Ngai-Mûnene akaathuura va kûgoocagîrwa.