Gûco 15:3 - ÎVUKU RÎA ÛVORO MWARO

³ Nwa ûrandûre mûgeni kîrîa ûngîthîrwa ûmûkovithîtie, nwatî ndwagîrîrwe nî kûrandûra andû enyu.

Gûco 15:3 ပူးပေါင်းရင်းမြစ်များ

Ntha 22:25

“Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Johana 8:35

Ngombo ndîtûûraga mûciî tene na tene, nwatî mûriû atûûraga kuo tene na tene.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Gûco 15:2

Mûvango ûcio wa kûrekanîra mathiirî ûkethagîrwa wîkariî û: Mûndû wa wonthe ûkovithîtie mûndû ûrîa wîngî kîndû nwanginya akaamûrekera thirî ûcio, ndagîrîrwe nî gwîtia thirî ûcio. Ngai-Mûnene nîwathanîte thirî ûcio ûrekanîrwe.

Gûco 23:20

Nwa mwîtie mûgeni maciaro ma kîrîa mûmûkovithîtie, nwatî mûtigetie Mûisiraeli ûrîa wîngî maciaro. Mwathîkîra watho ûyû Ngai-Mûnene Ngai wenyu nîakaamûrathimîra mawîra menyu monthe marîa mûkaaruta mûrî vûrûrirî ûrîa mûgaatonya mwîgwatîre.

Gûco 23:21

“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.