Gûco 13:6 - ÎVUKU RÎA ÛVORO MWARO

⁶ “Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 13:6 ပူးပေါင်းရင်းမြစ်များ

Kîam 16:5

Sarai nîwerire Aburamu atîrî, “We nîwe ûratûma Hagari anyarare. Nînie nakûveere Hagari, na kuuma rîrîa aamenyire atî arî na îvu, nîwambirire. Ngai-Mûnene nîke ûgaatua ciira îno gatagatîrî gakwa nawe!”

2Sam 1:26

“Nie nîrî na kîeva nîûndû waku mûrwaiya Jonathani; kûrî nie we ûraarî mûndû mwaro mûno! Wendo ûrîa ûramendete naguo ûrarî wa magegania, nîûndû ûrarî mûnene gûkîra wendo wa mûndû mûka.

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

2Atha 11:18

Andû onthe nîmaacokire makîthiî hekarûrî na makîmîomora. Nîmoomomorire metha cia magongoona, mîvuanano, makîûragîra Matani, mûthînjîri-Ngai wa Baali vau mbere ya metha cia magongoona. Mûthînjîri-Ngai Jehoiada nîwaugire arangîri mathiî makarangîre hekarû.

2Maû 15:13

Na mûndû wa wonthe ûkaarega kûgooca Ngai-Mûnene, Ngai wa Isiraeli, arî mwîthî kana mûkûrû, mûndûmûrûme kana mûndûmûka, nî akaaûragwa.

2Maû 23:17

Nao andû onthe nîmaacokire makîthiî hekarûrî ya Baali na makîmîomomora. Nîmaaunangire metha ciake cia magongoona na mîvuanano yake na makîûragîra Matani, mûthînjîri-ngai wa Baali vau mbere ya metha cia magongoona.

Ayubu 31:27

na ngoro yakwa îgucîrîrue nîguo nîigooce; na nîciînamîrîre nîive gîtîîo ta irî Ngai,

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 32:27

Nake nîwamerire atîrî, “Ngai-Mûnene, Ngai wa Isiraeli augîte mûndû wonthe wa cienyu oce rûviû rwake na mûthiî kûndû kuonthe gûkû mwambîte magema na mûthiî mîîrîgarî yonthe. Mûndû nîaûrage mûrwang'ina, mûrata wake, na mûndû ûrîa mariganîtie nake.”

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Nthi 5:20

Mwana wakwa, nîndûî gîgûtûma merirîria ma mûndûmûka mûmaramaru makûrîa ta njovi? Nîndûî gîgûtûma ûgucîrîrua nî wendo wa mûndûmûka wene?

Jeremia 28:15

Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Zakaria 13:3

Kûngîkaaumîra rîngî mûndû ûkaaratha maûndû, îthe na ng'ina arîa maamûciarire nîmakaamwîra atî, ‘We nîûgûkua nîûndû nîwarîtie maveeni rîîtwarî rîa Ngai-Mûnene.’ Angîkaaratha maûndû, îthe na ng'ina nîmakaamûmunda na kaviû mamûrage.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Gûco 11:32

mwîmenyagîrîreni mûvingagie na kinyi maathani monthe marîa namûva ûmûnthî.

Gûco 13:2

nakîo Kîamma kîu kana ûrirû wîkîke acoke amwîre mûgooce ngai ciîngî irîa mûtaicî, na mûitungatîre,

Gûco 13:7

ngai cia andû arîa mûriganîtie nao, marî vakuvî namue kana marî kûraca namue, kuuma mûthiia ûmwe wa nthî kûthiî ûrîa wîngî,

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’

Gûco 19:19

mûira ûcio agîrîrwe nî gûtuîrwa na avewe îvera rîrîa mûndû ûcio ûthitangîtwe angîvewa. Ûguo nîguo mûkaathiria wîvia gatagatîrî kenyu.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Gûco 24:7

“Mûisiraeli angînyitwa akîya Mûisiraeli ûrîa wîngî, na acoke amûtue ngombo kana amwendie, mûndû ûcio nwanginya akaaûragwa. Ûguo nîguo mûkaathiragia wîvia ûcio gatagatîrî kenyu.

Gûco 28:54

Wana mûndûmûrûme ûrîa mûvoreri na ûrî ntha mûno gatagatîrî kenyu, ndakaarûmia mûrwang'ina irio kana mûka ûrîa endete mûno, wana kana twana twake tûrîa tûtigarîte.

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Akol 2:4

Nîramwîra ûguo nîguo mûtikanetîkîrie mûndû wana ûrîkû amûveenererie na mîario ya maveeni, wana ethîrwa îkîoneka îrî mîaro atîa.

Josh 7:13

Ûkîra ûtherie andû aku na ûmere metherie nîûndû rûyû nie Ngai-Mûnene, Ngai wa Isiraeli nîngwenda gûkameera atî, ‘Gatagatîrî kenyu kûrî na indo imwe irîa naamwîrire mûgacûkangie. Mûtingîîtirîria kûrî nthû cienyu nginya rîrîa mûkaaruta indo icio gatagatî kenyu.’

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 20:3

Nîwacokire akîmikia îrimarî rîu rîtarî mûthiia, akîvinga mûrango warîo na mvungûro na agîkîra mûvûûri. Mûraika eekire ûguo nîguo njûnamatu îkare kuo îvingîrîtwe nginya mîaka ngiri îmwe îthire, nîguo ndakaavîtithie andû a nthî rîngî. Kavinda kau kathira nî akoovorwa gwa kavinda kanini.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 2:13

Maatigire kûgooca Ngai-Mûnene na makîambîrîria gûtungatîra ngai cia mîvuanano cia Baali na Ashitarothu.

Atir 20:13

Tûretereni andû acio aganu marî Gibea nîguo tûmaûrage, na tûthirie ûcûku ûcio gûkû Isiraeli.” Nwatî andû a Benjamini matiathikîrîria ûrîa andû acio engî a Isiraeli maaugaga.

Atir 5:8

Nîgwacokire gûkîgîa mbaara vûrûrirî, rîrîa Aisiraeli maathuurire ngai ciîngî. Gatagatîrî ka arûme ngiri mîrongo îna a Isiraeli, kwanoneka ngo kana îtumû?

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 20:17

Jonathani nîwevîtithirie Daudi rîngî na akîmwîrîra atî akaamwendaga nîûndû Jonathani nîwendete Daudi wata ûrîa eyendete ke mwene.