Gûco 12:6 - ÎVUKU RÎA ÛVORO MWARO

⁶ Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Gûco 12:6 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

2Maû 7:12

Ngai-Mûnene nîwamumîrîre kîrotorî ûtukû na nîwamwîrire atîrî, “Nîmbîguîte îvoya rîaku na nînthuurîte vandû ava vatuîke hekarû yakwa ya kûrutagîrwa magongoona.

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Nehemia 10:36

Tûkaaviraga wa mûndû îrikithathi rîake rîa mwanake kûrî athînjîri-Ngai hekarûrî nîguo makaamûrîrwe Ngai wata ûrîa Watho ugîte. Na tûkaamûraga marikithathi monthe ma tûcaû na ma tûori twa ng'ondu na mbûri cietû.

Nehemia 10:39

Andû a Isiraeli na Alawi nîmakaavira indo irîa marutîte ta: ngano, ndivei na maguta ma ndamaiyû tûnyombarî tûrîa twigagwa thaani na mbakûri irîa itûmagîrwa hekarûrî varîa athînjîri-Ngai, arangîri a ivingo na aini nyîmbo methagîrwa marî na nyomba ciao. Tûtigaatiganîria nyomba ya Ngai wetû.

Thaburi 116:17

Nîngûkûrutîra îgongoona rîa gûcokia ngatho, na ngaîre rîîtwa rîaku.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Luka 11:42

“Kaî mue Afarisai mûrî na thîna-î! Nîûndû mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia na nderamûkîa, nwatî mûgatiganîria ûthingu wa vamwe na kwenda Ngai. Maûndû mama mwagîrîrwe mûmekage mûtagûtiganîria marîa mengî.

Luka 18:12

Nîînyerekagia maita maîrî wa kiumia na vingo cionthe ngaruta gîcunjî gîa îkûmi gîa kîrîa kîonthe nathûkûma.’

Gûco 12:17

Mûtikarîe gîcunjî gîa îkûmi Kîam ngano, ndivei, maguta, marikithathi ma ndîthia yenyu ya ng'ombe kana ng'ondu, indo irîa mwîranîrîte, matega ma kwîyendera, kana matega mengî ma mûthemba wa wonthe.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Josh 22:27

Vandû va ûguo, twatumire metha ya kîgongoona ûrî ûira wa kwonia njiarwa cietû na cienyu na njiarwa irîa igaûka atî nîtûgoocaga Ngai-Mûnene tûrî îgemarî rîake rîtheru. Tûretaga matega metû îgemarî rîake rîtheru nîguo mavîvue na tûrî na magongoona na matega ma thayû. Ûndû ûcio warî wa gûtûma njiarwa cienyu itikeere njiarwa cietû atî tue tûtirî a Ngai-Mûnene.

1Sam 1:21

Nako kavinda nîgaakinyire wa rîngî rîrîa Elikana na andû a mûciî wake maathiîre Shilo. Maathiîre kuo nîguo makarutîre Ngai-Mûnene kîgongoona kîrîa Kîamrutagwa wa mwaka wa mwaka wa vamwe na kûruta kîgongoona Kîam mwanya kîrîa eeranîrîte.

1Sam 1:24

Na vîndî îrîa Hana aatigithirie mwana kwonga, nîwocire Samueli, akiunûkia nake na akîmûvira nyombarî ya Ngai-Mûnene kûu Shilo. Hana akîvira Samueli nîwathiîre na ndegwa yarî na ûkûrû wa mîaka îthatû, ndeve îmwe ya mûtu, na mbooro îcûrîte ndivei.