Gûco 12:5 - ÎVUKU RÎA ÛVORO MWARO

⁵ Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 12:5 ပူးပေါင်းရင်းမြစ်များ

1Atha 12:27

Andû aya mangîthiî Jerusalemu na marutîre Ngai-Mûnene magongoona hekarûrî kuo, nîmakaarûmîrîra Rehoboamu, mûthamaki wa Juda na macoke mambûrage.”

1Atha 14:21

Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

1Atha 8:20

“Rîu Ngai-Mûnene nîavingîtie kîîranîro gîake; nîûndû nînatuîkire mûthamaki wa Isiraeli vuva wa vava Daudi wata ûrîa Ngai-Mûnene eeranîre, na nîndumîrîte Ngai-Mûnene, Ngai wa Isiraeli hekarû nîguo agoocagîrwe vo.

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

1Maû 22:1

Mûthamaki Daudi nîwacokire akiuga atîrî, “Ava nîvo vagaatumwa hekarû ya Ngai-Mûnene, Ngai, na metha ya kîgongoona nîguo andû a Isiraeli mavîvagîrie matega vo.”

2Maû 7:12

Ngai-Mûnene nîwamumîrîre kîrotorî ûtukû na nîwamwîrire atîrî, “Nîmbîguîte îvoya rîaku na nînthuurîte vandû ava vatuîke hekarû yakwa ya kûrutagîrwa magongoona.

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Ezira 6:12

Nake Ngai ûrîa wathuurire Jerusalemu vatuîke vandû varîa akagoocagîrwa arogarûra mûthamaki kana vûrûri ûrîa ûkaarega kwathîkîra watho ûyû kana ûrîa ûngîcûkangia nyomba îno ya Ngai îrî Jerusalemu. Nie Dario mûthamaki nînie naruta watho ûcio. Naguo nwanginya wathîkîrwe wonthe.”

Ezira 7:17

“Mbeca icio ûgaaitûmîra waro kûgûra ndegwa, ng'ondu na tûtûrûme, irio na ndivei. Indo icio ûkaairuta irî matega metharî ya Ngai-Mûnene ya kîgongoona hekarûrî ya Jerusalemu.

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Thaburi 78:68

Vandû va ûguo aathuurire mûvîrîga wa Juda, Kîrîma Kîam Zayuni kîrîa endete.

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Jeremia 7:14

Kwoguo, nîmbîka hekarû yakwa îrîa mwîvokete na kûndû gûkû naveere methe menyu ta ûrîa nekire Shilo.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Ndari 7:89

Rîrîa Musa aathiîre îgemarî rîa gûcemanîrua kwaria na Ngai-Mûnene, nîwegwire mûgambo ûkîmwarîria umîte varîa mevia movanagîrwa varîa vaarî îgûrû rîa îthandûkû rîa kîrîkanîro gatagatî ka akerubi aîrî.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:13

Menyererani mûtikarutagîre matega menyu ma kûvîvua wa kûrîa kuonthe mûkwenda.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:4

“Mûtikagooce Ngai-Mûnene Ngai wenyu ta ûrîa magoocaga ngai ciao.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 14:24

Ethîrwa varîa Ngai-Mûnene Ngai wenyu akaathuura va kûgoocagîrwa nî kûraca na mûtingîvota kûvira gîcunjî gîa îkûmi Kîam mîgûnda yenyu vo Kîam indo irîa Ngai-Mûnene Ngai wenyu amûrathimîte nacio,

Gûco 15:20

Wa mûndû na mûciî wake mûkaarîcagîra marikithathi mau mbere ya Ngai-Mûnene Ngai wenyu wa mwaka, mûrî vandû varîa Ngai-Mûnene akaathuura va kûgoocagîrwa.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 16:15

Mûgaakûngûagîra kîrugo gîkî îvinda rîa mîthenya mûgwanja mûrî varîa Ngai-Mûnene Ngai wenyu akaathuura va kûgoocagîrwa, îrî njîra ya kûmûva gîtîîo. Kenagani nîûndû Ngai-Mûnene Ngai wenyu nîakaarathima maketha ma mîgûnda yenyu na wîra wonthe ûrîa mûrutaga.

Gûco 16:2

Mûkaarutagîra Ngai-Mûnene Ngai wenyu îgongoona rîa pasaka kuuma ndîthiarî yenyu ya mbûri na ng'ombe mûrî varîa Ngai-Mûnene akaathuura va kûgoocagîrwa.

Gûco 16:6

Vandû va ûguo rutagîrani Ngai-Mûnene Ngai wenyu îgongoona rîu rîa pasaka vandû varîa akaathuura va kûgoocagîrwa. Mûkaarîrutaga kîvwaî riûa rîkîthûa vîndî ta îrîa mwaumire Misiri.

Gûco 16:7

Rugagani nyama na mûirie mûrî varîa Ngai-Mûnene Ngai wenyu akaathuura va kûgoocagîrwa, na kîraûko mûthenya ûcio wîngî, mûgacoka kwenyu mîciî.

Gûco 17:8

“Kûngîgîa na maciira maûmû gûtuithania kûu matûûrarî menyu ta: kûûragana mûndû atakwenda, gûkararanîria ûndû, kana kûtharîkîra mûndû, thiîcagani vandû varîa Ngai-Mûnene Ngai wenyu akaathuura va kûgoocagîrwa,

Gûco 18:6

“Mûlawi wa wonthe ûrîa ûkwenda nwa aume îtûûrarî wa rîonthe vûrûrirî wa Isiraeli na athiî varîa Ngai-Mûnene akaathuura va kûgoocagîrwa

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Gûco 31:11

mûkaathomagîra andû onthe a Isiraeli watho ûyû vîndî îrîa mûgomanîte varîa mûgoocagîra Ngai-Mûnene.

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 22:11

Nao andû acio engî a Isiraeli nîmeerirwe atîrî, “Tathikîrîriani! Andû a mûvîrîga wa Reubeni, Gadi na Manase a mwena wa îrathîro nîmatumîte metha ya kîgongoona îtûûrarî rîa Gelilothu mwena wetû wa rûnjî rwa Jorodani.”

Josh 9:27

Nwatî mûthenya ûcio Joshua nîwatuire andû a Gibeoni ngombo na nîmaatuîkire a kunagîra andû a Isiraeli ngû na kûmatavîra manjî na gûtavîra metha ya kîgongoona ya Ngai-Mûnene manjî. Nginya ûmûnthî ûcio nîguo wîra ûrîa matûûraga marutagîra vandû varîa vamûre va kûgoocera Ngai.

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.