Gûco 12:30 - ÎVUKU RÎA ÛVORO MWARO

³⁰ Ngai-Mûnene Ngai wenyu arîkia kûthiria andû acio, menyererani mûtikagwe mûtegorî wa kûrûmîrîra ngai ciao mûkîûria atîrî, ‘Andû a mavûrûri mama maagoocaga ngai ciao atîa, nîguo wanatue tûgoocage ta o?’

Gûco 12:30 ပူးပေါင်းရင်းမြစ်များ

2Atha 16:10

Rîrîa mûthamaki Ahazi aathiîre Damesiki gûtûnga Tigilathi Pilesa, mûthamaki wa Asîria, nîwonire metha ya kîgongoona îrîa yarî Damesiki. Mûthamaki Ahazi nîwatûmîre mûthînjîri-Ngai Uria mûvano wa metha îo ya kîgongoona vamwe na mbica yayo yonanîtie viû ûrîa îtumîtwe.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:32

Ûguo mûtuîte na ngoro cienyu gûtingîvoteka, nîûndû mûrauga atî nîmwenda kûvanana na ndûrîrî irîa ciîngî, irîa igoocaga mîtî na mathiga.”

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 18:30

“Kwoguo rûmagîrîrani mawatho marîa nîmûvete na mûtikagîe na mîtugo mîcûku ta îrîa yarî na andû arîa maatûûraga vûrûrirî ûcio mbere yenyu, kana mwîvaka gîko mûkîmîka. Nie nînie Ngai-Mûnene, Ngai wenyu.”

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Gûco 11:16

Menyererani mûtikaveenererue mûtiganîrie Ngai-Mûnene na mûgooce ngai irîa ciîngî na mûitungatîre.

Gûco 12:29

“Ngai-Mûnene Ngai wenyu nîakaathiria andû a vûrûri ûrîa mûgaatonya na nîmûkaawîgwatîra ûtuîke wenyu na mûtûûre kuo.

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

Gûco 18:9

“Rîrîa mûgaatonya vûrûrirî ûrîa Ngai-Mûnene Ngai wenyu akûmûva, mûtikarûmîrîre mîtugo mîcûku ya andû arîa matûûraga kuo.

Gûco 20:18

Mwarega kûmaûraga, nîmakaamûthomithia mîtugo mîcûku ya kûvoya ngai ciao cia mîvuanano, na mwîthîrwe mwîkîte mevia mbere ya Ngai-Mûnene Ngai wenyu.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.