Gûco 12:3 - ÎVUKU RÎA ÛVORO MWARO

³ Mûkoomomora metha ciao cia magongoona na mûcûkangie mîvuanano ya Baali na mûvîvie mîvuanano ya Ashera. Mûgaatemanga mîvuanano ya ngai ciao nîguo itikagoocwe kuo rîngî.

Gûco 12:3 ပူးပေါင်းရင်းမြစ်များ

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 15:13

Nîwacokire agîtigithia ng'ina kûthiî na mbere arî mûthamaki wa mûndûmûka, nîûndû nîwarûthire mûvuanano wa ngai ya mûndûmûka ya Ashera. Asa nîwatemangire mûvuanano ûcio na akîûvîvîria Kîamndarî gîa karûnjî ga Kidironi.

2Atha 11:18

Andû onthe nîmaacokire makîthiî hekarûrî na makîmîomora. Nîmoomomorire metha cia magongoona, mîvuanano, makîûragîra Matani, mûthînjîri-Ngai wa Baali vau mbere ya metha cia magongoona. Mûthînjîri-Ngai Jehoiada nîwaugire arangîri mathiî makarangîre hekarû.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Atha 23:14

Nîwaunangire itugî cia kûgoocwa cia ngai cia mîvuanano na agîtemanga mîvuanano ya ngai ya nga ya Ashera, agîcoka agîcûria varîa ngai cia mîvuanano îo ciarî na mavîndî ma andû akuû.

2Maû 14:2

Mûthamaki Asa nîwakenirie Ngai-Mûnene, Ngai wake na njîra ya gwîka maûndû marîa maro na magîrîru.

2Maû 14:3

Nîwarutire metha cia kîgongoona irîa ciarî ng'eni kûu vûrûrirî na kûndû kûrîa gûtûgîru kwagoocagîrwa ngai cia mîvuanano. Nîwaunangire itugî cia mathiga na akiunanga mîvuanano ya Ashera, ngai ya mûndûmûka.

2Maû 19:3

Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Thaburi 16:4

Andû arîa magoocaga ngai ciîngî, nîmeretagîrîra mathîna meengî mûno, Nie ndikaanyitanîra nao makîruta magongoona mao, na ndikaagooca ngai ciao.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Hosea 2:17

Nîûndû ndigetîkîra marîtwa ma ngai cia Baali magwetwe kanyuarî gake.

Mika 5:14

Nîngaaruta mîvuanano ya ngai ya Ashera vûrûrirî wenyu, na njûkangie matûûra menyu.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 12:4

“Mûtikagooce Ngai-Mûnene Ngai wenyu ta ûrîa magoocaga ngai ciao.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.

Kûguû 13:1

Nînaacokire ngîona nyamû îkiumîra îriarî. Nayo yarî na mvîa îkûmi na ciongo mûgwanja. Na wa rûvîarî rwayo kwarî na nthûmbî. Na wa kîongorî Kîamyo nîkwarî na rîîtwa rîa kûruma Ngai.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?