Gûco 12:21 - ÎVUKU RÎA ÛVORO MWARO

²¹ Ethîrwa vandû varîa Ngai-Mûnene Ngai wenyu akaathuura va kûgoocagîrwa nî varaca na kûrîa mûrî, nwa mûrage nyamû kuuma ndîthiarî yenyu ya ng'ombe kana ng'ondu irîa Ngai-Mûnene amûveete, na mûrîe nyama ciacio mûrî matûûrarî menyu wa rîrîa mûngîenda.

Gûco 12:21 ပူးပေါင်းရင်းမြစ်များ

1Atha 14:21

Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

Ezira 6:12

Nake Ngai ûrîa wathuurire Jerusalemu vatuîke vandû varîa akagoocagîrwa arogarûra mûthamaki kana vûrûri ûrîa ûkaarega kwathîkîra watho ûyû kana ûrîa ûngîcûkangia nyomba îno ya Ngai îrî Jerusalemu. Nie Dario mûthamaki nînie naruta watho ûcio. Naguo nwanginya wathîkîrwe wonthe.”

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:15

“Nwatî nwa mûthînje na mûkarîa nyama cia nyamû cienyu mûrî îtûûrarî rîenyu wa rîonthe. Nwa mûrîe nyamû nyîngî wata ûrîa mûngîvota kûringana na ûrîa Ngai-Mûnene Ngai wenyu amûrathimîte. Andû onthe arîa atheru na matarî atheru, nwa marîe nyama icio wata ûrîa mangîrîa nyama cia nthiia kana ngûrûngû.

Gûco 12:20

“Rîrîa Ngai-Mûnene Ngai wenyu akaanenevia vûrûri wenyu wata ûrîa aamwîrîîre na mwîrirîrie kûrîa nyama, nwa mûrîîre wa varîa vonthe mûngîenda.

Gûco 12:22

Mûndû wa wonthe nwa arîe nyama arî mûtheru kana atarî mûtheru, wata ûrîa arîcaga nyama cia nthiia kana cia ngûrûngû.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 16:6

Vandû va ûguo rutagîrani Ngai-Mûnene Ngai wenyu îgongoona rîu rîa pasaka vandû varîa akaathuura va kûgoocagîrwa. Mûkaarîrutaga kîvwaî riûa rîkîthûa vîndî ta îrîa mwaumire Misiri.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.