Gûco 12:2 - ÎVUKU RÎA ÛVORO MWARO

² Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.

Gûco 12:2 ပူးပေါင်းရင်းမြစ်များ

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

1Atha 3:2

Andû maarutagîra magongoona kûndû kûrîa gûtûgîru, nîûndû vîndî îo hekarû ya Ngai-Mûnene ndîarî ndume.

2Atha 11:18

Andû onthe nîmaacokire makîthiî hekarûrî na makîmîomora. Nîmoomomorire metha cia magongoona, mîvuanano, makîûragîra Matani, mûthînjîri-Ngai wa Baali vau mbere ya metha cia magongoona. Mûthînjîri-Ngai Jehoiada nîwaugire arangîri mathiî makarangîre hekarû.

2Atha 16:4

Ahazi nîwarutagîra magongoona na akavîvîria ûbani kûndû kûrîa gûtûgîru, irîmarî, na rungu rwa mîtî îrîa mîruru.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Isaia 36:7

“Nwatî ûngîmbîra atîrî, ‘Twîvokete Ngai-Mûnene Ngai wetû.’ Anga tîke mwene kûndû gwa kûgoocerwa na metha cia magongoona irîa Hezekia aacûkangirie akîûragia Juda na Jerusalemu atîrî, ‘Nîmwagîrîrwe nî kûgoocera metharî îno ya kîgongoona?’

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Hosea 4:13

Marutagîra magongoona irîmarî îgûrû, marutagîra matega mao tûrîmarî, rungu rwa mîtî mîraca na îyambîte waro, nîûndû kîruru Kîamyo nî kîoro. Kwoguo erîtu akwa nîmavûraga ûmaraa, na aviki enyu makatharia.

Ndari 22:41

Kîraûko Kîam mûthenya ûcio wîngî Balaki nîwocire Balaamu na akîmûvira nginya Bamothibaali. Marî kûu Balaamu nîwonaga andû amwe a Isiraeli.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?