Gûco 12:12 - ÎVUKU RÎA ÛVORO MWARO

¹² Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:12 ပူးပေါင်းရင်းမြစ်များ

1Atha 8:66

Mûthenyarî wa kanana, Solomoni nîwerire andû menûke. Nao nîmaaugîre mûthamaki ûvoro na makînûka kwao mîciî makenete na makîgucaga waro ngororî ciao nîûndû wa maûndû monthe maro marîa Ngai-Mûnene eekîte Daudi ndungata yake, vamwe na andû ake a Isiraeli.

2Maû 29:36

Mûthamaki Hezekia na andû onthe nîmaakenire nîûndû wa maûndû marîa Ngai aamavotithîtie gwîka, nîûndû maûndû mau nîmeekîkire na îvenya mûno.

Nehemia 8:9

Rîrîa andû onthe meegwire ûrîa watho waugire nîmaambîrîrie kûrîra. Nehemia ûrîa warî mûnene, Ezira mûthînjîri-Ngai na mwandîki, na Alawi arîa maathomithagia andû watho nîmaacokire makîra andû onthe atîrî, “Ûmûnthî nî mûthenya mûtheru wa Ngai-Mûnene, Ngai wenyu. Kwoguo mûtikaarîre kana mwîgue kîeva.

Thaburi 147:1

Ngai-Mûnene arokumua! Nîwaro kwina nyîmbo cia gûkumia Ngai wetû; gûkumia Ngai nî ûndû mwaro na mwagîrîru.

Alawi 23:40

Mûthenya wa mbere, nîmûgooca matunda marîa maro mûno kuuma mîtîrî yenyu ya matunda, mvûa cia mîtî ya mîkîndû, mvûa cia mîtî îrîa îrî mathangû meengî, na cia tûmîtî tûrîa tûrî maûa tûmeraga tûrûnjîrî na mûgaakumia Ngai-Mûnene, Ngai wenyu îvinda rîa mîthenya mûgwanja.

Ndari 18:20

Ngai-Mûnene nîwerire Aroni atîrî, “Ndûkagaa wanarî kîndû vûrûri wa andû a Isiraeli, kana ûvewe gîcunjî wanarî kîmwe Kîam vûrûri ûcio. Nie nînie gîcunjî gîaku na îgai rîaku.”

Ndari 18:26

ere Alawi atîrî, “Mwamûkîra gîcunjî gîa îkûmi kuuma kûrî andû a Isiraeli kîrîa nîmûvete kîrî îgai rîenyu, mûkaarutagîra Ngai-Mûnene gîcunjî gîa îkûmi kuuma kûrî îgai rîu, gîcunjî gîa îkûmi kuuma kûrî gîcunjî gîa îkûmi.

Johana 13:8

Nake Petero nîwaugire atîrî, “We ndûngînthambia magûrû!” Nake Jesû nîwamûcokerie atîrî, “Ethîrwa tîngûthambia magûrû, ndûgûcoka gûtuîka mûrutwa wakwa.”

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.

Gûco 10:9

Kwoguo andû a mûvîrîga wa Lawi matiagaîrwa vûrûri wa gûtûûra ta mîvîrîga îrîa îngî. Vandû va ûguo maagaire wîra wa gûtungatîra wata ûrîa Ngai-Mûnene Ngai wenyu aamerîrîte.)

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:19

Menyagîrîrani mûtigatiganagîrie Alawi mavinda monthe marîa mûgûtûûra vûrûrirî wenyu.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 16:14

Kûngûagîrani kîrugo kîu mûkenete mûrî na ciana cienyu, ndungata cienyu, Alawi, ageni, ciana cia ndigwa, na aka a ndigwa arîa matûûraga matûûrarî menyu.

Gûco 18:6

“Mûlawi wa wonthe ûrîa ûkwenda nwa aume îtûûrarî wa rîonthe vûrûrirî wa Isiraeli na athiî varîa Ngai-Mûnene akaathuura va kûgoocagîrwa

Gûco 26:11

Nîûgaakena nîûndû wa indo cionthe mbaro irîa Ngai-Mûnene, Ngai waku akûvete vamwe na andû a mûciî waku. Wanao Alawi na ageni arîa mûtûûranagia nao nîmagaakena.

Gûco 26:12

Wa mîaka îthatû yathira, mûndû wa wonthe gatagatîrî kenyu akarutagîra Alawi, ageni, ciana cia ndigwa na aka a ndigwa gîcunjî gîa îkûmi Kîam maketha kuuma mîgûndarî yenyu, nîguo methagîrwe marî na irio cia kûmegana marî kûu matûûrarî menyu.

Gûco 27:7

Vau nîvo mûkaarutîra Ngai-Mûnene, Ngai wenyu magongoona ma thayû na mûmarîîre vo mûkenete.

Josh 13:14

Musa ndaagaîra mûvîrîga wa Lawi kûndû gûtuîka kwao, nîûndû Ngai-Mûnene nîwerîte Musa atî Alawi makaamûkagîra îgai rîao kuuma magongoonarî ma kûvîvua marîa makaarutagîrwa Ngai-Mûnene, Ngai wa Isiraeli ma metharî ya kîgongoona.

Josh 13:33

Nwatî mûvîrîga wa Lawi ndwagaîrwa kûndû gûtuîka kwao. Musa nîwamerire atî îgai rîao rîkethagîrwa rîrî gîcunjî Kîam indo irîa itegagîrwa Ngai-Mûnene, Ngai wa Isiraeli.

Josh 14:4

Njiarwa cia Josefu nîciagaanirue igîtuîka mîvîrîga îrî: Mûvîrîga wa Manase na mûvîrîga wa Efiraimu. Mûvîrîga wa Lawi ndwagaîrwa vûrûri ûtuîka wao. Vandû va ûguo Musa nîwamavere matûûra nîguo matûûrage kuo na kûndû gwa kûrîthagua nîûndû wa ndîthia yao.