Gûco 12:11 - ÎVUKU RÎA ÛVORO MWARO

¹¹ Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:11 ပူးပေါင်းရင်းမြစ်များ

1Atha 12:27

Andû aya mangîthiî Jerusalemu na marutîre Ngai-Mûnene magongoona hekarûrî kuo, nîmakaarûmîrîra Rehoboamu, mûthamaki wa Juda na macoke mambûrage.”

1Atha 8:13

Rîu nîngûtumîrîte hekarû nene, nîguo îtuîke vandû vaku va gûtûûra tene na tene.”

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

1Maû 22:1

Mûthamaki Daudi nîwacokire akiuga atîrî, “Ava nîvo vagaatumwa hekarû ya Ngai-Mûnene, Ngai, na metha ya kîgongoona nîguo andû a Isiraeli mavîvagîrie matega vo.”

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 7:12

Ngai-Mûnene nîwamumîrîre kîrotorî ûtukû na nîwamwîrire atîrî, “Nîmbîguîte îvoya rîaku na nînthuurîte vandû ava vatuîke hekarû yakwa ya kûrutagîrwa magongoona.

Ezira 6:12

Nake Ngai ûrîa wathuurire Jerusalemu vatuîke vandû varîa akagoocagîrwa arogarûra mûthamaki kana vûrûri ûrîa ûkaarega kwathîkîra watho ûyû kana ûrîa ûngîcûkangia nyomba îno ya Ngai îrî Jerusalemu. Nie Dario mûthamaki nînie naruta watho ûcio. Naguo nwanginya wathîkîrwe wonthe.”

Thaburi 100:2

Goocani Ngai-Mûnene mûrî na gîkeno! Thiîni mbere yake mûkinaga mûkenete!

Thaburi 116:17

Nîngûkûrutîra îgongoona rîa gûcokia ngatho, na ngaîre rîîtwa rîaku.

Thaburi 66:13

Nîngaaûka gûkûrutîra matega ma kûvîvua nyombarî yaku; nîngaavingia ûrîa naakwîrîre na mîvîtwa.

Thaburi 78:68

Vandû va ûguo aathuurire mûvîrîga wa Juda, Kîrîma Kîam Zayuni kîrîa endete.

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Ntha 29:45

Nîngaatûûra gatagatîrî ka andû a Isiraeli na nduîke Ngai wao.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Gûco 12:13

Menyererani mûtikarutagîre matega menyu ma kûvîvua wa kûrîa kuonthe mûkwenda.

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:21

Ethîrwa vandû varîa Ngai-Mûnene Ngai wenyu akaathuura va kûgoocagîrwa nî varaca na kûrîa mûrî, nwa mûrage nyamû kuuma ndîthiarî yenyu ya ng'ombe kana ng'ondu irîa Ngai-Mûnene amûveete, na mûrîe nyama ciacio mûrî matûûrarî menyu wa rîrîa mûngîenda.

Gûco 12:26

Viragani matega menyu na indo irîa mwîrîrîte Ngai-Mûnene varîa akaathuura va kûgoocagîrwa.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 15:19

“Amûragîrani Ngai-Mûnene Ngai wenyu marikithathi monthe ma ng'ombe na ma ng'ondu cienyu. Mûtikarutithagie wîra marikithathi ma ng'ombe, kana mwenje marikithathi ma ng'ondu cienyu.

Gûco 15:20

Wa mûndû na mûciî wake mûkaarîcagîra marikithathi mau mbere ya Ngai-Mûnene Ngai wenyu wa mwaka, mûrî vandû varîa Ngai-Mûnene akaathuura va kûgoocagîrwa.

Gûco 17:8

“Kûngîgîa na maciira maûmû gûtuithania kûu matûûrarî menyu ta: kûûragana mûndû atakwenda, gûkararanîria ûndû, kana kûtharîkîra mûndû, thiîcagani vandû varîa Ngai-Mûnene Ngai wenyu akaathuura va kûgoocagîrwa,

Gûco 18:6

“Mûlawi wa wonthe ûrîa ûkwenda nwa aume îtûûrarî wa rîonthe vûrûrirî wa Isiraeli na athiî varîa Ngai-Mûnene akaathuura va kûgoocagîrwa

Gûco 23:16

Nîagekara kûu kwenyu îtûûrarî wa rîrîa rîonthe îngîthuura; mûtikamûvinyîrîrie.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Gûco 31:11

mûkaathomagîra andû onthe a Isiraeli watho ûyû vîndî îrîa mûgomanîte varîa mûgoocagîra Ngai-Mûnene.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 22:11

Nao andû acio engî a Isiraeli nîmeerirwe atîrî, “Tathikîrîriani! Andû a mûvîrîga wa Reubeni, Gadi na Manase a mwena wa îrathîro nîmatumîte metha ya kîgongoona îtûûrarî rîa Gelilothu mwena wetû wa rûnjî rwa Jorodani.”

Josh 22:16

Nîmaaririe vandûrî va andû onthe a Ngai-Mûnene na nîmaaûririe atîrî, “Nîkwa mûrekire ûndû ûyû mûcûku ûguo wa kûregana na Ngai wa Isiraeli nîkî na mûgîîtumîra metha ya kîgongoona? Mue mûtiramûrûmîrîra.

Josh 22:23

Ethîrwa nîtwaregire kwathîkîra Ngai-Mûnene na tûgîtuma metha yetû ya kîgongoona nîguo tûrutagîre magongoona ma kûvîvua kana magongoona ma irio kana ma thayû vo, Ngai-Mûnene ke mwene arotûverithia.

Josh 22:27

Vandû va ûguo, twatumire metha ya kîgongoona ûrî ûira wa kwonia njiarwa cietû na cienyu na njiarwa irîa igaûka atî nîtûgoocaga Ngai-Mûnene tûrî îgemarî rîake rîtheru. Tûretaga matega metû îgemarî rîake rîtheru nîguo mavîvue na tûrî na magongoona na matega ma thayû. Ûndû ûcio warî wa gûtûma njiarwa cienyu itikeere njiarwa cietû atî tue tûtirî a Ngai-Mûnene.

Josh 22:29

Tûtingîregana na Ngai-Mûnene na tûtume metha ya kîgongoona îngî îrîa îngîrutîrwa magongoona, tiga îrîa ya Ngai-Mûnene, Ngai wetû îrîa îrî mbere ya îgema rîake rîa gûtûnganwa.”

Josh 9:27

Nwatî mûthenya ûcio Joshua nîwatuire andû a Gibeoni ngombo na nîmaatuîkire a kunagîra andû a Isiraeli ngû na kûmatavîra manjî na gûtavîra metha ya kîgongoona ya Ngai-Mûnene manjî. Nginya ûmûnthî ûcio nîguo wîra ûrîa matûûraga marutagîra vandû varîa vamûre va kûgoocera Ngai.

1Sam 1:21

Nako kavinda nîgaakinyire wa rîngî rîrîa Elikana na andû a mûciî wake maathiîre Shilo. Maathiîre kuo nîguo makarutîre Ngai-Mûnene kîgongoona kîrîa Kîamrutagwa wa mwaka wa mwaka wa vamwe na kûruta kîgongoona Kîam mwanya kîrîa eeranîrîte.