Gûco 11:18 - ÎVUKU RÎA ÛVORO MWARO

¹⁸ “Mûtikariganîrwe nî maathani mama makwa na mûmaigage ngororî cienyu na mîoyorî yenyu. Moverereni njararî cienyu na mothiûrî menyu nîguo mûmaririkanage.

Gûco 11:18 ပူးပေါင်းရင်းမြစ်များ

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Ntha 13:16

Ûndû ûyû ûkethagîrwa wîkariî ta kîndû kîovereretwe njara kana rûûri rwîkîrîtwe mothiûrî metû wa gûtûririkania atî Ngai-Mûnene aatûrutire vûrûri wa Misiri na njîra ya vinya wake mûnene.’ ”

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Nthi 3:3

Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

2Pet 1:12

Mue nîmwîcî maûndû mama na nîmwîkindîrîtie waro ûvororî wa ma ûrîa mwamûkîrîte. Nwatî nwa ngwîkara ngîmûririkanagia mo.