Gûco 11:13 - ÎVUKU RÎA ÛVORO MWARO

¹³ “Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 11:13 ပူးပေါင်းရင်းမြစ်များ

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 119:4

We Ngai, nîûtûvete mawatho maku nîguo tûmarûmagîrîre na kinyi.

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Alawi 26:3

“Ethîrwa mûkaamenyagîrîra maathani makwa na mwathîkagîre irîra ciakwa,

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 11:8

“Vîndî îtarî ndaca nîmûkûringa rûnjî rwa Jorodani, na mwona mwathîkîra maathani monthe marîa ngûmûva ûmûnthî, nî mûkûgîa na vinya wa kwîgwatîra vûrûri ûcio mûthiîte gûtonya.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.

Gûco 6:17

Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.