Gûco 11:10 - ÎVUKU RÎA ÛVORO MWARO

¹⁰ Nîûndû vûrûri ûrîa mûthiîte kwîgwatîra ndwîkariî ta vûrûri wa Misiri kûrîa mwaumire, kûrîa mwavandaga irio na mûgaciîtîrîria manjî ta mîgûnda ya mboga.

Gûco 11:10 ပူးပေါင်းရင်းမြစ်များ

Isaia 19:10

Itugî cia vûrûri nîikaaunangwa, na aruti wîra wa kîvarûa nî makegua kîeva.

Isaia 37:25

Nînenjire ithima na ngînyua manjî ma cio, na nînanyarithirie nyûnjî cionthe cia Misiri, na makinyo ma magûrû makwa.

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Zakaria 14:18

Ethîrwa andû a Misiri nîmakaarega kûthiî gûkûngûîra kîrugo kîu Kîam tûnyomba, nîakaamaretithîria mûrimû ta ûrîa aaretithîrie ndûrîrî irîa ciaregire kûthiî gûkûngûîra kîrugo kîu.

Gûco 11:11

Nwatî vûrûri ûrîa mûkwîgwatîra mwaringa Jorodani, nî vûrûri ûrî irîma na cianda, vûrûri uraga mbura.

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 8:7

Ngai-Mûnene, Ngai wenyu nîakûmûvira vûrûrirî mwaro na mûnoru, ûrî na nyûnjî na kûndû kûtherûkaga manjî, na nyûnjî ithiîcaga na rungu rwa nthî ikaumîrîra ciandarî na irîmarî;