Gûco 10:9 - ÎVUKU RÎA ÛVORO MWARO

⁹ Kwoguo andû a mûvîrîga wa Lawi matiagaîrwa vûrûri wa gûtûûra ta mîvîrîga îrîa îngî. Vandû va ûguo maagaire wîra wa gûtungatîra wata ûrîa Ngai-Mûnene Ngai wenyu aamerîrîte.)

Gûco 10:9 ပူးပေါင်းရင်းမြစ်များ

Ezek 44:28

“Athînjîri-Ngai matiagîrîrwe nî kûgaîrwa mîgûnda, nînie îgai rîao. Matikagaîrwa vûrûrirî wonthe wa Isiraeli.

Ndari 26:62

Arûme onthe a mûvîrîga wa Alawi arîa maarî na ûkûrû wa mweri ûmwe kûthiî na mbere maarî ngiri mîrongo îîrî na ithatû. Andû acio engî a Isiraeli magîtarwa, Alawi matiatarwa nîûndû matiagaîrwa îgai Aisiraeli acio engî makîgaîrwa.

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 14:27

“Mûtikariganîrwe nî Alawi arîa matûûraga matûûrarî menyu, nîûndû matiagaîrwa kûndû gwa gûtûûra.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Josh 14:3

Musa nîwarîkîtie kûgaania vûrûri ûrîa warî mwena wa îrathîro wa rûnjî rwa Jorodani wagaîrîtwe mîvîrîga îrî na nuthu ya andû a Isiraeli, nwatî mûvîrîga wa Lawi ndwagaîrwa kûndû vamwe nao.