Gûco 10:8 - ÎVUKU RÎA ÛVORO MWARO

⁸ Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 10:8 ပူးပေါင်းရင်းမြစ်များ

1Atha 8:6

Athînjîri-Ngai nîmaacokire magîkuua îthandûkû rîa kîrîkanîro na makîrigîrîra vandû varîa vatheru Mûno rungu rwa akerubi.

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

1Maû 15:26

Nao nîmaarutire îgongoona rîa ndegwa mûgwanja na ndûrûme nîûndû Ngai nîwatethirie Alawi arîa maakuuire îthandûkû rîa kîrîkanîro Kîam Ngai-Mûnene.

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

1Maû 23:26

Kwoguo Alawi tîmacoka gûkuua rîngî îgema rîa Ngai-Mûnene kana kîndû wa kîonthe gîa gûtûmîrwa vîndî ya kûgooca.”

2Maû 29:11

Anake akwa, mûtigate mavinda. Ngai-Mûnene nîamûthuurîte mûmûtungatage, mûtongoragie andû kûmûgooca na mûmûvîvagîrie ûbani.”

2Maû 30:27

Athînjîri-Ngai na Alawi nîmaacokire magîûkîra na makîvoera andû na Ngai nîwegwire mavoya mao arî îgûrû kûrîa kûtheru atûûraga.

Thaburi 134:1

Ûkani mûkumie Ngai-Mûnene, mue ndungata cionthe cia Ngai-Mûnene, mue arîa mûtungataga nyombarî ya Ngai-Mûnene ûtukû.

Thaburi 134:2

Ambarariani njara mûvoe mûrî varîa vatheru, na mûkumie Ngai-Mûnene!

Thaburi 135:2

mue arîa mûrûngamaga nyombarî ya Ngai-Mûnene, mue arîa mûrûngamaga nja ya nyomba ya Ngai wetû.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Ezek 44:11

Magaatungataga hekarûrî yakwa marî arangîri a ivingo, na marutage mawîra mengî ma hekarû. Makaathînjaga nyamû irîa irutîtwe cia magongoona ma kûvîvua na cia magongoona mengî na matungatage andû.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Alawi 8:9

Nîwamwovire kîremba kîongorî na mwena wa mbere wakîo agîgîkîra kavengere ka thaavu katheru, rûrî rûûri rwa kwonania atî nîwamûrwa, wata ûrîa Ngai-Mûnene aamwathîte.

Alawi 9:22

Rîrîa Aroni aarîkirie kûruta magongoona monthe, nîwaûkîrîrie njara ciake erekerete andû na akîmarathima. Nîwacokire akiuma varîa metha ya kîgongoona yarî.

Ndari 3:31

Wîra wao warî wa kûmenyerera îthandûkû rîa kîrîkanîro, metha, vandû va kwigîrîrwa taa, metha cia magongoona, indo cia vandû varîa vamûre irîa itûmagîrwa nî athînjîri-Ngai magîtungata, na gîtambaa gîa kûgaania vandû varîa vatheru Mûno. Acio nîo moonaga atî indo icio nîciaruta wîra wonthe wacio.

Ndari 3:6

“Virani andû a mûvîrîga wa Lawi kûrî mûthînjîri-Ngai Aroni nîguo makamûtethagîrîrie.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 12:7

Ûrîa ûrî na kîveo gîa gûtungata, nwanginya atungate. Ûrîa ûrî na kîveo gîa kûthomithia nwanginya athomithanie.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Agal 1:15

Nwatî Ngai nîwanthuurire na njîra ya wega wake wana mbere ya njiarwe na akîmbîta nîmûtungatîre. Na rîrîa aatwire

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

Gûco 21:3

Nao atongoria a îtûûra rîu, nîmagooca njaû îtaanaruta wîra kana îguucia gîkaari.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.