Gûco 10:18 - ÎVUKU RÎA ÛVORO MWARO

¹⁸ Atucaga ciira wa aka a ndigwa na ciana cia ndigwa na kîvooto. Nîwendete ageni na nîamavecaga gîa kûrîa wana nguo.

Gûco 10:18 ပူးပေါင်းရင်းမြစ်များ

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Thaburi 10:18

nîûthikagîrîria kîrîro gîa ciana cia ngoriai na arîa avinyîrîrie, nîguo andû a nthî matikaamaretere kîmako rîngî.

Thaburi 103:6

Ngai-Mûnene atucaga ciira na kîvooto, na akonania waragania kûrî arîa avinyîrîrie.

Thaburi 145:9

Ngai-Mûnene nîekaga andû onthe waro, na nîegucagîra ciûmbe ciake cionthe ntha.

Thaburi 146:9

Ngai-Mûnene nîagitagîra ageni, nîatethagia aka a ndigwa na ciana cia ngoriai; nwatî nîacûkangagia andû arîa aganu.

Thaburi 68:5

Ngai ûrîa ûtûûraga hekarûrî yake ntheru, nîke îthe wa ciana cia ngoriai na mûgitîri wa aka a ndigwa.

Thaburi 68:6

Ngai nîavecaga athîni kûndû kwa gûtûûra; avingûragîra andû arîa ove na akamatûûria na gîkeno; nwatî arîa mareganaga nake matûûraga vûrûrirî mûmû.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ntha 22:22

Mûtikaanavîtîrie mûndûmûka wa ndigwa kana mwana wa ndigwa,

Ntha 22:23

nîûndû mûngîmavîtîria nao mandîrîre, nama nîngegua kîrîro Kîamo makîndîrîra nîmatethie,

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Jeremia 49:11

Ndigîrani ciana cienyu cia ngoriai na ngaimenyagîrîra; tigani aka enyu a ndigwa maige mwîvoko wao kûrî nie.”

Hosea 14:3

Vûrûri wa Asîria ndûgatûvonokia wana kana mbarathi cietû cia mbaara itûvonokie tûrî mbaararî. Tûtigeta mîvuanano îrîa tûmbîte na njara cietû ‘Ngai wetû.’ We nîwe wîgucagîra ciana cia ngoriai ntha.”

Alawi 25:35

“Ethîrwa Mûisiraeli ûrîa wîngî mûtûûranîrîte nake nîwatuîka mûthîni na eremwa, nwanginya mûmûtethagie na kîrîa angîvatara, nîguo mûvotage gûtûûrania nake wata ûrîa mûtethagia ageni arîa mûtûûranagia nao.

Ndari 10:32

Tûngîthiî nawe, nîtûkagaana nawe kîrîa kîonthe Ngai-Mûnene agaatûrathima nakîo.”

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’