Gûco 1:43 - ÎVUKU RÎA ÛVORO MWARO

⁴³ Nînaamwîrire ûrîa Ngai-Mûnene aaugîte, nwatî mûkîrega kwîgua. Nîmwareganire nake na mûkîthiî vûrûri ûcio ûrî irîma nîûndû wa mwîtîîo wenyu.

Gûco 1:43 ပူးပေါင်းရင်းမြစ်များ

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Ndari 14:40

Mûthenya ûcio warûmîrîrîte kîraûko tene, nîmaaûkîrire makîthiî kûthithûkîra vûrûri ûcio ûrî irîma. Nao maaugire atîrî, “Nîtwetîkîra atî tûrî eviu; kwoguo nîtûkûthiî vûrûrirî ûrîa Ngai-Mûnene aatwîrîre.”

Ndari 14:44

Nwatî nîmaûmirie ciongo na makiunûkia mathiîte vûrûrirî ûrîa ûrî irîma. Nîmaatigire Musa wana îthandûkû rîa kîrîkanîro kûu maambîte magema.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Gûco 1:26

“Nwatî nîmwaregire ûrîa Ngai-Mûnene, Ngai wenyu aamwathîte na mûkîrega gûtonya vûrûrirî ûcio.

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.