Gûco 1:17 - ÎVUKU RÎA ÛVORO MWARO

¹⁷ Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 1:17 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

2Maû 19:5

Nîwathuurire atirîrîri vûrûri matûûrarî monthe marîa maarî mairigîre vûrûrirî wa Juda.

2Maû 19:6

Nîwamerire atîrî, “Menyagîrîrani rîrîa mûgûtwithania maciira, nîûndû mûtigaatucaga na vinya wenyu, nwatî mûkaamatucaga na vinya wa Ngai-Mûnene nîûndû nîke ûmûtûmîte na akethagîrwa namue vîndî îrîa mûgûtua ciira.

Ayubu 31:34

Ndianegua guoya ngîrûngama mbere ya mwîngî, ndianakira kana nîvingîra nyomba, ngîîtigîra kûnyararwa na kûthirîkua nî andû.

Thaburi 82:2

“Nî mûthiî na mbere gûtucanîra ciira vatarî kîvooto nginya rî, mûkîonanagie kîmenyano kûrî andû arîa aganu.

Ntha 18:18

We nûkwinogia we mwene wana ûnogie andû aya, nîûndû ûyû nî ûndû mûrito mûno na ndûngîûvota ûrî wenga.

Ntha 18:22

Nîmatuithanagie maciira vîndî cionthe. Maûndû marîa mavûthû nîmatucage ciira arî o. Nwatî nîmakûretagîre maûndû marîa manene. Kwoguo wetîkîra andû magûtethie ûkaavûthîrwa nî wîra.

Ntha 18:26

Nao nîmaatucagîra andû mavinda monthe. Maciira monthe mavûthû o ene nîo maatucaga. Nwatî maciira marîa manene maatwaragîrwa Musa.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Nthi 24:23

Ino wana cio nî ciugo cia andû arîa aûgî: Tî waro gûtwithania ciira na kîmenyano.

Nthi 28:21

Kûgîa na kîmenyano tî waro, nwatî andû nîmavîtagia nîûndû wa kwamûkîra îvaki wana rîrî înini.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Malaki 2:9

Kwoguo nîndûmîte mûnyararwe na mwagithue kîene mbere ya andû onthe a Isiraeli nîûndû mûtiarûmîrîra njîra ciakwa, nwatî mwîthîrîtwe mûkîthomithia watho na njîra ya kîmenyano.”

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Maariko 12:14

Nao nîmaathiîre kûrî ke na makîmwîra atîrî, “Mwarimû, tue nîtwîcî atî we waragia ûma ûtakûmakua nî ûrîa andû magwîciria. Ndwendaga kûmenya mûndû nî wa ngathî îrîkû, nwatî nîûthomithagia andû ûma wîgiî wendi wa Ngai. Tatwîre atîrî, watho wetû nîûtwîtîkîrîtie tûrutîre mûthamaki wa Roma gooti? Tûrutage gooti kana tûtikarutage?”

Luka 20:21

Nao andû acio nîmaathiîre na makîûria Jesû atîrî, “Mwarimû, tue nîtwîcî atî we waragia na ûkathomithania maûndû ma ma na ndûrî kîmenyano, nwatî nîûthomithanagia na ma wendi wa Ngai kûrî andû ake.

Aroma 2:11

Nîûndû Ngai atucagîra andû onthe ûndû ûmwe.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 25:1

“Ethîrwa kûrî na ngarari gatagatîrî ka Aisiraeli aîrî na oîrî mathiî îgootirî nîguo matwithanue, nake mûtwithania ciira atue atî ûmwe tî mwîvia na ûcio wîngî nî mwîvia,

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

Jakuvu 2:9

Nwatî ethîrwa nîmwonanagia kîmenyano nîmwîvagia na watho nî ûmûtuîrîrîte mûrî evia.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.