Ezira 9:9 - ÎVUKU RÎA ÛVORO MWARO

⁹ Wana ethîrwa twarî ngombo, we Ngai wetû ndwatûtiganîria ûkomborî. Nîwatûmire mûthamaki wa Perisia atwonie wendo ûtathiraga na agîtîkîra tûtûûre na tûtume hekarû yaku îrîa yarî nyomomoku, na agîtûva ûgitîri tûrî gûkû Juda na Jerusalemu.

Ezira 9:9 ပူးပေါင်းရင်းမြစ်များ

Ezira 2:68

Rîrîa Ayahudi arîa maarî îthamîriorî maakinyire Jerusalemu hekarûrî ya Ngai-Mûnene, atongoria amwe nîmaarutire matega mao na njîra ya kwîyendera nîguo matethererie gûtuma hekarû varîa îrîa ngûrû yarî.

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Ezira 7:8

Nao nîmaakinyire Jerusalemu mûthenya wa mbere wa mweri wa gatano.

Ezira 9:10

“Ngai wetû, rîu nîtuga atîa vuva wa gûtwîkîra maûndû mau monthe? Nîtûregete rîngî kwathîkîra maathani maku,

Nehemia 2:17

Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Thaburi 109:12

Gûtikagîe na mûndû wa kûmwîguîra ntha, kana wa kûmenyerera ciana ciake cia ngoriai.

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Isaia 14:3

Rîrîa Ngai-Mûnene akaathirîria andû a Isiraeli kîeva, mathîna na mawîra marito marîa maarutithagua,

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 61:4

Nîmagaatuma rîngî nyomba irîa ciomomoretwe tene, nîmagaatuma rîngî matûûra marîa maacûkangîtue mbere, na magatigwa matarî andû nî njiarwa nyîngî.

Ezek 11:16

“Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”