Ezira 9:3 - ÎVUKU RÎA ÛVORO MWARO

³ Rîrîa neguire ûguo, nînatembûrangire nguo ciakwa, ngîkûûra njuîrî cia kîongo na nderu nîûndû wa kûthirwa nî mwîvoko na ngîkara nthî nîrî na kîeva.

Ezira 9:3 ပူးပေါင်းရင်းမြစ်များ

2Sam 1:11

Daudi na andû arîa maarî nake nîmaatembûrangire nguo ciao nîûndû wa kîeva.

2Atha 18:37

Eliakimu, Shebuna na Joa, nîmaacokire magîtembûra nguo ciao na marûrû, na makîthiî kûrî mûthamaki makîmwîra ûrîa Rabushake aaugîte.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Thaburi 119:53

Nînyitagwa nî marakara meengî, rîrîa ngwona andû arîa aganu makiuna watho waku.

Thaburi 143:4

Kwoguo nîrîmûthiru vinya; nîrî mûkuû ngoro viû.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Ezek 3:15

Nînathiîre nginya Tela-Abibu vakuvî na rûnjî rwa Kebari kûrîa andû etû maatûûraga îthamîriorî. Nekarire kûu maarî mîthenya mûgwanja nîrî mûmaku nîûndû wa maûndû marîa noonete na ngîgua.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 8:27

“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Alawi 21:5

“Gûtirî mûthînjîri-Ngai ûkenja njuîrî wanarî mwena ûmwe wa kîongo gîake ithira kana enja nderu ciake kana etemange mwîrî.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.