Ezira 7:6 - ÎVUKU RÎA ÛVORO MWARO

⁶ Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Ezira 7:6 ပူးပေါင်းရင်းမြစ်များ

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Ezira 5:5

Nwatî Ngai nîwamenyagîrîra atongoria a Ayahudi, na anene a thirikari ya Perisia nîmaatuire matigeke ûndû wana ûrîkû matambîte kûmenyithia mûthamaki Dario, na macoke manyite macokio make.

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Ezira 7:21

“Nînatha anene onthe a mûthithû wa vûrûri wa mwena wa îthûîro wa Rûnjî rwa Farati atî kîndû wa kîonthe kîrîa Ezira mûthînjîri-Ngai na mûndû ûrî na ûûgî wa watho wa Ngai wa îgûrû angîvatara avewe wa rîmwe.

Ezira 7:28

Nîûndû wa wendo wa Ngai ûtathiraga nînduîkîte mwîtîkîrîku nî mûthamaki, andû arîa mamûtaaraga, na anene onthe arîa marî vinya. Ngai-Mûnene, Ngai wakwa nîwandathimire, na ngîgîa na vinya na ngîvota kûngania anene eengî a nyomba cia Isiraeli tûgîcoka nao Jerusalemu.”

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Ezira 7:9

Rûgendo rwao rwa kuuma Babuloni maarwambîrîrîtie mûthenya wa mbere wa mweri wa mbere mwakarî wa mûgwanja Aritakiserikise arî mûthamaki. Nake Ngai aarî vamwe nao.

Ezira 8:1

Ûyû nîguo mûtaratara wa anene a nyomba cia andû a Isiraeli na njiarwa cia andû arîa maathiîcanirie na Ezira kuuma Babuloni kûthiî Jerusalemu. Vîndî îo Aritakiserikise nîke warî mûthamaki wa vûrûri ûcio.

Ezira 8:18

Nîûndû wa wega wa Ngai nîmaatûtûmîre Sherebia, mûndû warî na ûvoti wa kuuma nyomba ya Mahili mûvîcî wa Mûlawi, na avîcî ake îkûmi na anana wa vamwe na aa mûrwang'ina.

Ezira 8:22

Nînegwire nthoni cia kwîra mûthamaki atûnengere athigari a mbarathi a gûtûgitîra kuuma kûrî nthû tûrî rûgendorî rwetû. Neguire nthoni nîûndû nînamwîrîte atî Ngai nîarathimaga mûndû wa wonthe ûrîa ûmwîtîkîtie, nwatî ndakenagua nî arîa mamûtiganagîria na nî amaverithagia.

Ezira 8:31

Mûthenya wa îkûmi na îîrî wa mweri wa mbere nîrîo twaumire Ahava mûtarorî wa manjî nîguo tûthiî Jerusalemu. Ngai nîwatûgitîre rûgendorî rwetû kuuma kûrî nthû irîa ingîatûtharîkîre kana arîa mangîatwovere njîrarî.

Nehemia 12:26

Andû aya maatûûraga mwoyo vîndî ya Joiakimu mûvîcî wa Jeshua, Jeshua mûvîcî wa Jozadaki, na vîndî ya Nehemia ûrîa warî mûnene, na vîndî ya mûthînjîri-Ngai Ezira ûrîa warî mûndû mûgî ûvororî wa watho.

Nehemia 12:36

Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

Nehemia 2:12

Gûtirî mûndû wanarî ûmwe nerire ûrîa Ngai aambîrîte mbîke nîûndû wa Jerusalemu. Ûtukû gatagatî nînaûkîrire na ngiuma nja na ngîthiî ngîta arûme anini arîa twethagîrwa tûrî vamwe nao. Nyamû îrîa twathiîre nayo nwa mvunda îrîa naathiîte mbîkarîrîte.

Nehemia 2:18

Nînaacokire ngîmeera ûrîa Ngai ethîrîtwe akîndethia na ûrîa mûthamaki aambîrîte. Nao nîmaaugire atîrî, “Tigani twambîrîrie gûtuma rîngî.” Nao nîmeevarîrie kwambîrîria kûruta wîra.

Nehemia 2:8

Na anengere maarûa îngî mvirîre Asafu mûmenyereri wa mûtitû wa vûrûri nîguo akaamva mbaû cia gûtuma ivingo cia vandû varîa vagitîre mûno varîa hekarû yarî na cia rûthingo rwa îtûûra rînene. Na acoke anengere mbaû nîûndû wa nyomba îrîa ngeekara. Nake Ngai aarî vamwe nanie kwoguo mûthamaki nîwanengere kîrîa kîonthe netirie.

Nehemia 4:15

Nthû cietû nîciegwire atî nîtwamenyire ûrîa maavangaga, na nîmaamenyire atî Ngai nîwacûkangîtie mîvango yao. Kwoguo tuonthe nîtwacokire kûruta wîra wa gûtuma rîngî rûthingo.

Nehemia 8:1

Andû onthe a Isiraeli nîmaagomanire vamwe kîvarorî vakuvî na Kîvingo Kîam Manjî. Nao nîmaaûririe Ezira ûrîa warî mwandîki arete îvuku rîa Watho wa Musa ûrîa Ngai aaveete andû a Isiraeli.

Nehemia 8:13

Mûthenya wa kaîrî atongoria a mbarî cia andû onthe, wa vamwe na athînjîri-Ngai na Alawi nîmaathiîre kûrî Ezira marî vamwe nîguo makathome kîrîra Kîam Watho.

Nehemia 8:4

Ezira nîwarûngamire vandû vatûgîru vaathodeketwe na mbaû nîguo arie arî vo. Mwena wake wa ûrîo nîvaarûngamîte Matithia, Shema, Anaia, Uria, Hilikia na Maaseia. Naguo mwena wake wa ûmotho nîvaarûngamîte Pedaia, Mishaeli, Malikija, Hashumu, Hashibadana, Zekaria na Meshulamu.

Nehemia 8:9

Rîrîa andû onthe meegwire ûrîa watho waugire nîmaambîrîrie kûrîra. Nehemia ûrîa warî mûnene, Ezira mûthînjîri-Ngai na mwandîki, na Alawi arîa maathomithagia andû watho nîmaacokire makîra andû onthe atîrî, “Ûmûnthî nî mûthenya mûtheru wa Ngai-Mûnene, Ngai wenyu. Kwoguo mûtikaarîre kana mwîgue kîeva.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 109:27

Tiga andû mamenye atî nîwe wîkîte ûguo; we Ngai-Mûnene, nîwe wîkîte ûguo.

Thaburi 147:19

Nîamenyithagia Jakovu ndûmîrîri yake, na akava Isiraeli mawatho na matuîro ma ciira.

Thaburi 45:1

Ngoro yakwa îcûrîtwe nî ciugo mbaro, ngîtunga rwîmbo rwa kwinîra mûthamaki. Rûrîmî rwakwa rwîkariî ta karamu, ka mûndû wicî kwandîka waro.

Thaburi 80:18

Natue tûtigaagûtiganîria rîngî, tûma tûtûûre mwoyo na tûgakûgoocaga.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 59:1

Tigani gwîciiria atî Ngai-Mûnene ndarî na vinya wa kûmûvonokia, kana atî matû make nîmavingaru ndangîvota kûmwîgua!

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 23:2

“Arimû a watho na Afarisai nîo mavetwe rûtha rwa gûtaûra watho wa Musa.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.

1Akor 15:1

Rîu ariû na aarî a îthe wetû, nîrenda kûmûririkania Ûvoro Mwaro ûrîa naamûvunjîrie. Nîmwawamûkîre na nîmûwîtîkîtie mwîkindîrîtie.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.