Ezira 7:5 - ÎVUKU RÎA ÛVORO MWARO

⁵ Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Ezira 7:5 ပူးပေါင်းရင်းမြစ်များ

1Maû 6:4

Eleazaru aarî îthe wa Finehasi, Finehasi aarî îthe wa Abishua,

2Maû 19:11

Amaria, Mûthînjîri-Ngai mûnene nîke ûkethagîrwa arûngamîrîrîte maûndû monthe megiî Ngai-Mûnene. Nake Zebadia mûvîcî wa Ishumaeli, mûnene wa Juda nîke ûkethagîrwa arî na îtua rîa mûthiia maûndûrî monthe ma vûrûri. Nao Alawi nîo makoonaga atî maûndû monthe nîmarathiî ûrîa kwagîrîrîte. Îîyûmîrîrieni na mûrûmîrîre maûndû mama, nake Ngai-Mûnene aroîthagîrwa na andû arîa agîrîru!”

2Maû 26:20

Azaria mûnene wa athînjîri-Ngai, na athînjîri-Ngai acio engî onthe nîmaamûroririe na makîona atî na ma nîwanyitwa nî mûrimû mûcûku wa ngothi ûthiûrî wake. Nao nîmaamûrutire nja na îvenya, nake nîwetharire ke mwene kuuma vo nîûndû Ngai-Mûnene nîwamûverithîtie.

Ezira 7:4

Meraiothi aarî mûvîcî wa Zerahia, Zerahia, aarî mûvîcî wa Uzi. Uzi aarî mûvîcî wa Buki,

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Ntha 6:25

Eliazaru, ûmwe wa anake a Aroni nîwavikirie mwîrîtu ûmwe wa erîtu a Putieli. Mwîrîtu ûcio nîwaciarire Finehasi. Aya nîo maarî atongoria a nyomba na mîvîrîga ya mbarî ya Lawi.

Alawi 10:12

Nake Musa nîwerire Aroni na avîcî ake Eliazaru na Ithamaru arîa maatigarîte marî mwoyo atîrî, “Ocani îtega rîa irio cia mûgûnda irîa itigarîte kuuma kûrî irio irîa irutîrîtwe Ngai-Mûnene, mûrûthe mûgate ûtarî mwîkîre ndawa ya kwimbia na mûûrîre vakuvî na metha ya kîgongoona, nîûndû îtega rîîrî nî rîtheru mûno.

Alawi 10:16

Musa nîwacokire agîtuîria waro ûvoro wîgiî mbûri îrîa yarutirwe îrî îtega rîa kûtheria mevia na akîmenya atî yarî mvîvie. Ûndû ûcio nîwatûmire arakarîre Eliazaru na Ithamaru, na nîwamaûririe atîrî,

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Ndari 27:2

Aarî acio nîmaathiîre makîrûngama mbere ya Musa na Eliazaru mûthînjîri-Ngai, na mbere ya atongoria onthe a Isiraeli vau mûromorî wa îgema rîa Ngai-Mûnene na makiuga atîrî,

Ndari 3:32

Eliazaru mûvîcî wa mûthînjîri-Ngai Aroni nîke warî mûnene wa atongoria a Alawi, na mûrûngamîrîri andû arîa maarutaga wîra Vandû varîa Vatheru.

Ndari 31:31

Musa na Eliazaru, mûthînjîri-Ngai nîmeekire ûrîa maathirwe nî Ngai-Mûnene.

Ndari 31:54

Kwoguo Musa na Eliazaru, mûthînjîri-Ngai nîmaamûkîre thaavu îo kuuma kûrî anene a athigari, na makîmîvira îgemarî rîa Ngai-Mûnene, nîguo îtuîke kîririkano Kîam andû a Isiraeli kûrî Ngai-Mûnene.”

Ndari 31:6

Musa nîwatûmire arûme acio mbaararî. Nao maatongoretue nî Finehasi mûvîcî wa Eliazaru mûthînjîri-Ngai. Finehasi athiîre akuuîte indo cia Vandû Varîa Vatheru vamwe na tûrumbeta twa kûvuva nîûndû wa mbaara.

Ahib 5:4

Gûtirî mûndû wîvecaga gîtîîo na njîra ya kwîthuura atuîke mûthînjîri-Ngai ûrîa mûnene. Ngai nîke tu wîtaga mûndû na akamûtua mûthînjîri-Ngai ûrîa mûnene wata ûrîa Aroni eetirwe.

Josh 14:1

Ûyû nîguo mûtaratara wa ûrîa vûrûri wa Kanaani wagaanirue gatagatîrî ka andû a Isiraeli. Vûrûri ûcio warî mwena wa îthûîro wa rûnjî rwa Jorodani. Mûthînjîri-Ngai Eleazaru, Joshua mûvîcî wa Nuni na atongoria a mbarî cia mîvîrîga ya Isiraeli nîmaagaire vûrûri ûcio kûringana na andû ao.

Josh 22:13

Andû a Isiraeli nîmaacokire magîtûma Finehasi, mûvîcî wa Eleazaru ûrîa warî mûthînjîri-Ngai kûrî andû a mûvîrîga wa Reubeni, Gadi na nuthu ya Manase vûrûrirî wa Gileadi.

Josh 22:31

Nake Finehasi mûvîcî wa Eliazaru mûthînjîri-Ngai nîwamerire atîrî, “Rîu nîtwamenya atî Ngai-Mûnene arî natue. Mûtinaregana nake, kwoguo nîmwavonokia andû a Isiraeli kuuma kûrî îverithia rîake.”

Josh 24:33

Eleazaru mûvîcî wa Aroni nîwakwire na akîthikwa Gibea îtûûrarî rîrîa rîrî vûrûrirî ûrîa ûrî irîma wa Efiraimu. Vûrûri ûcio nîguo wagaîrwe Finehasi mûvîcî wa Eleazaru.

Atir 20:28

Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”