Ezira 4:2 - ÎVUKU RÎA ÛVORO MWARO

² Kwoguo nthû icio nîciathiîre ikîaria na Zerubabeli na anene a nyomba cia andû a Juda na Benjamini na ikîmwîra atîrî, “Twîtîkîrie tûmûtethie, gûtuma hekarû. Tûgoocaga Ngai ûrîa mûgoocana na twîthîrîtwe tûkîmûrutîra magongoona kuuma vîndî îrîa ya Esarihadoni mûthamaki wa Asîria atûretire gûkû tûtûûre kuo.”

Ezira 4:2 ပူးပေါင်းရင်းမြစ်များ

Kîam 10:11

Kuuma kûu Nimurodi nîwathiîre vûrûrirî wa Asîria agîtuma matûûra ma Nineve, Rehobothi, Iri na Kala.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

2Atha 19:37

Vîndî îmwe akîgooca arî hekarûrî ya Nisiroki, ngai yake, anake ake aîrî: Adurameleki na Sharezeri, nîmaamûragire na mviû na magîcoka makîûrîra vûrûrirî wa Ararati. Nake mwanake wake wetagwa Esarihadoni nîwatuîkire mûthamaki vuva wake.

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Ezira 2:2

Atongoria ao maarî Zerubabeli, Jeshua, Nehemia, Seraia, Reelaia, Moridekai Bilishani, Misipari, Bigivai, Rehumu na Baana. Nao andû a mîvîrîga ya Isiraeli arîa maacokire kuuma îthamîriorî maarî:

Ezira 3:12

Andû eengî nîmaaugagîrîria marî na gîkeno. Nwatî athînjîri-Ngai eengî, Alawi, na anene a nyomba cia andû a Isiraeli arîa maarî akûrû na moonete hekarû îrîa ya mbere, nîmaarîrire mona mûcingi wa hekarû îo ya kaîrî.

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 73:8

Manyûrûragia andû arîa engî na makaria maûndû macûku, nî etîi na mavangaga ûrîa makûvinyîrîria arîa engî.

Isaia 37:37

Senakeribu, mûthamaki wa Asîria nîwacokire akiuma kûu, akînûka na agîtûûra Nineve.

Isaia 37:38

Mûthenya ûmwe, Senakeribu akîgooca arî nyombarî ya Nisiroki, ngai yake, avîcî ake Adurameleki na Sharezeri nîmaamûragire na mviû ciao, na makîûra makîthiî vûrûrirî wa Ararati. Nake mûvîcî, Esarihadoni nîwatuîkire mûthamaki vuva wake.

Hosea 14:3

Vûrûri wa Asîria ndûgatûvonokia wana kana mbarathi cietû cia mbaara itûvonokie tûrî mbaararî. Tûtigeta mîvuanano îrîa tûmbîte na njara cietû ‘Ngai wetû.’ We nîwe wîgucagîra ciana cia ngoriai ntha.”

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

2Tim 3:8

Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.