Ezira 3:7 - ÎVUKU RÎA ÛVORO MWARO

⁷ Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ezira 3:7 ပူးပေါင်းရင်းမြစ်များ

2Sam 5:11

Hiramu mûthamaki wa Turo nîwatûmire anjaama mathiî makavirîre Daudi mîtarakwe, vamwe na mafundi ma mbaû na ma nyomba cia mathiga nîguo mamûtumîre nyomba.

1Atha 5:6

Kwoguo tûma ndungata ciaku ithiî Lebanoni ikandemere mîtarakwe. Ndungata ciakwa ikagwatanîra na ndungata ciaku, na ngaakûrîva mûcara wa ndungata ciaku wa ûrîa ûgaatua. We nîwicî atî gûtirî mûndû gatagatîrî getû wîcî gûtema mîtî ta andû a Sidoni.”

2Atha 12:10

Rîrîa rîonthe mona, atî kûrî na mbeca nyîngî kathandûkûrî kau, karani wa mûthamaki marî na Mûthînjîri-Ngai mûnene nîmaathiîcaga magatara mbeca icio ciaumaga hekarûrî na magaciova magaciîkîra mîvukorî.

2Atha 12:13

Mbeca irîa ciarutagwa hekarûrî itiatûmîrwa kûrûtha tûraî twa sîlûva, tûnyamû twa gûtinia ndambi, mbakûri, tûrumbeta, kana tûnyamû tûrûthîtwe na thaavu kana sîlûva.

2Maû 34:10

Nîmaacokire makînenganîra mbeca icio kûrî andû arîa maarûngamagîrîra wîra wa gûtuma hekarû rîngî kûrîa yacûkangîtue, nao arûngamîrîri acio makîinenganîra kûrî andû arîa maatumire hekarû rîngî.

Ezira 3:6

Andû a Isiraeli maambîrîrie kûrutîra Ngai-Mûnene matega ma kûvîvua mûthenya wa mbere wa mweri wa mûgwanja. Nwatî mûcingi wa hekarû ndwarî mûtume.

Ezek 27:17

Andû a Juda na andû a Isiraeli nîmaarutithanirie wîra wa kûgûra na kwendia indo nawe. Maakûretere ngano, ndamaiyû, ûûkî, maguta na mînyamû mînungi waro nîguo ûmakûrananîrie na indo ciaku.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Ciîko 9:38

Na nîûndû kûu Lîda kwarî gûkuvî na Jopa, etîkia arîa maarî Jopa megua atî Petero aarî Lîda nîmaatûmire andû aîrî mathiî mamûthaithe makîmwîraga atîrî, “Wenda tu ûka gwetû narua.”

Ciîko 9:43

Nake Petero nîwekarire kûu Jopa mîthenya mîîngî marî na mûndû wathondekaga njûo wetagwa Simoni.