Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezira 3:2 - ÎVUKU RÎA ÛVORO MWARO

2 Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

အခန်းကိုကြည့်ပါ။ ကော်ပီ




Ezira 3:2
33 ပူးပေါင်းရင်းမြစ်များ  

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.


Nwatî Avîcî a Musa mûndû wa Ngai, maataranîrue vamwe na andû a mûvîrîga wa Lawi.


Ino nîcio njiarwa cia mûthamaki Jehoiakini vuva wa kûthamîrua Babuloni. Jehoiakini aarî na avîcî mûgwanja. Nao maarî: Shealitieli,


Pedaia aarî na avîcî aîrî: Zerubabeli na Shimei. Zerubabeli aarî îthe wa Meshulamu na Hanania, na mwîrîtu wetagwa Shelomithi.


Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”


Ûyû nîguo mûtaratara wa arûme arîa maavikîtie aka ageni. Njiarwa cia athînjîri-Ngai maarî Maaseia, Eliezeri, Jaribu na Gedalia. Acio maarî avîcî a Joshua na aa mûrwang'ina, nao maarî avîcî a Jehozadaki.


Mbarî ya Imeri maarî: Hanani na Zebadia.


Mbarî ya Harimu maarî: Maaseia, Elija, Shemaia, Jehieli, na Uzia.


Mbarî ya Pashihuri maarî: Elioenai, Maaseia, Ishumaeli, Nethaneli, Jozabadi na Elasa.


Atongoria ao maarî Zerubabeli, Jeshua, Nehemia, Seraia, Reelaia, Moridekai Bilishani, Misipari, Bigivai, Rehumu na Baana. Nao andû a mîvîrîga ya Isiraeli arîa maacokire kuuma îthamîriorî maarî:


Mweri wa kaîrî wa mwaka wa kaîrî kuuma macoka Jerusalemu varîa hekarû ya Ngai yatumîtwe, nîmaambîrîrie wîra wa gûtuma hekarû. Zerubabeli mûvîcî wa Shealitieli, Jeshua mûvîcî wa Jehozadaki nîo maambîrîrie wîra marî vamwe na andû ao, athînjîri-Ngai, na Alawi, na andû onthe arîa maacokire Jerusalemu kuuma îthamîriorî, nîmaanyitanîre vamwe kûruta wîra. Nao Alawi onthe arîa makinyîtie ûkûrû wa mîaka mîrongo îrî na makîria nîmaatuirwe arûngamîrîri a wîra wa gûtuma hekarû rîngî.


Rîrîa Zerubabeli mûvîcî wa Shealitieli na Joshua mûvîcî wa Jehozadaki meeguire ndûmîrîri yao, nîmaambîrîrie rîngî gûtuma hekarû kûu Jerusalemu. Nao arathi acio aîrî nîmaamatethagia.


Ûyû nîguo mûtaratara wa athînjîri-Ngai na Alawi arîa maaumire îthamîriorî. Maaûkire marî vamwe na Zerubabeli mûvîcî wa Shealitieli na marî na Jeshua mûthînjîri-Ngai mûnene. Athînjîri-Ngai maarî: Seraia, Jeremia, Ezira,


Nao Alawi maarî: Jeshua, Binui, Kadimieli, Sherebia, Juda, na Matania ûrîa ke na andû ao maarî arûngamîrîri a nyîmbo cia gûcokia ngatho.


Vandû va ûguo aathuurire mûvîrîga wa Juda, Kîrîma Kîam Zayuni kîrîa endete.


“Ûgaatuma metha ya kîgongoona ya mûtî wa mûgaa. Metha îo ya kîgongoona îthîrwe îganene mîena yonthe; wariî wa mita igîrî na inji igîrî, na ûraca wa mita igîrî na inji igîrî. Naguo ûraca na îgûrû îthîrwe îrî ya mita îmwe na inji ithatû.


Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.


Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.


Kwoguo Ngai-Mûnene nîwekîrire ngoro ya Zerubabeli mûnene wa Juda vinya, Joshua mûthînjîri-Ngai mûnene na andû arîa onthe maacokete kuuma îthamîriorî. Nîmaambîrîrie gûtuma rîngî hekarû ya Ngai-Mûnene mwene vinya wonthe, Ngai wao,


“Aria na Zerubabeli, mûnene wa Juda ûmwîre nîrî vakuvî kwinainia îgûrû na nthî,


Mûthenya ûcio, nîngagwoca we Zerubabeli ndungata yakwa mûvîcî wa Shealitieli nîguo wathanage vandûrî vakwa, we nîwe nthurîte.” Ûguo nîguo Ngai-Mûnene mwene vinya wonthe arauga.


Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.


Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.


Oca sîlûva na thaavu kuuma kûrî o na ûrûthe ngovia ya ûthamaki na ûmîkîre kîongorî Kîam Joshua Mûthînjîri-Ngai ûrîa mûnene mûvîcî wa Jehozadaki.


“Atha andû a Isiraeli mandutagîre matega ma kûvîvua marî na mûtararûko mwaro îvinda rîrîa rîagîrîru.


mûvîcî wa Joanani, mûvîcî wa Resa, mûvîcî wa Zerubabeli, mûvîcî wa Salathieli, mûvîcî wa Neri,


Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ